India : भारत पुन्हा जगाच्या केंद्रस्थानी? चीन-इंग्लंड-अमेरिका-रशियाच्या टॉप मास्टर्सची दिल्लीवारी
अमेरिकेला भारतानं रशियाविरोधी भूमिका घ्यावी, असं वाटलं होतं. भारतानं रशिया आणि यूक्रेन यांना त्यांच्या प्रश्न शांतता आणि चर्चेच्या माध्यमातून सोडवण्यास सांगितलं. भारतानं थेट रशियाच्या विरोधात भूमिका घेतली नाही किंवा समर्थनात बाजू घेतली नाही.
नवी दिल्ली : रशिया (Russia) आणि यूक्रेन (Ukraine) यांच्यात गेल्या 37 दिवसांपासून युद्ध सुरु आहे. यूक्रेन नाटोत सहभागी होऊ शकतो आणि नाटोचं सैन्य आपल्या देशाच्या सीमेपर्यंत पोहोचेल या भीतीमुळं रशियानं यूक्रेनवर हल्ला केला. रशियानं यूक्रेनमधील अनेक शहरं बेचिराख केली आहेत. संयुक्त राष्ट्रांमध्ये अमेरिकेसह यूरोपियन देशांनी रशिया विरोधात भूमिका घेतली. रशियानं वेटो वापरत त्यांच्या विरोधातील प्रस्ताव फेटाळून लावले. जगभरात हे सर्व घडत असताना जगाचं लक्ष भारताच्या (India) भूमिकेकडं लागलं होतं. अमेरिकेला भारतानं रशियाविरोधी भूमिका घ्यावी, असं वाटलं होतं. भारतानं रशिया आणि यूक्रेन यांना त्यांच्या प्रश्न शांतता आणि चर्चेच्या माध्यमातून सोडवण्यास सांगितलं. भारतानं थेट रशियाच्या विरोधात भूमिका घेतली नाही किंवा समर्थनात बाजू घेतली नाही. या पार्श्वभूमीवर भारतानं आंतरराष्ट्रीय राजकारणातील आपली बाजू भकक्म केलीय. अमेरिका, रशिया, जर्मनी, यूनायटेड किंग्डम आणि चीन या देशांचे परराष्ट्र विभागाचे अधिकारी भारताचा दौरा करत आहेत.
जयशंकर यांची रशियाच्या परराष्ट्र मंत्र्याशी भेट
Concluded talks with Russian Foreign Minister Sergey Lavrov.
Discussed bilateral cooperation and developments in Ukraine, Afghanistan, Iran, Indo-Pacific, ASEAN and the Indian sub-continent. pic.twitter.com/jAlrpol5Gt
— Dr. S. Jaishankar (@DrSJaishankar) April 1, 2022
भारताच्या परराष्ट्र धोरणाला मजबूत करण्याचं काम राष्ट्रीय सुरक्षा सल्लागार अजित डोवाल करत आहेत. भारतानं जगासमोरील प्रश्न शांततेच्या आणि चर्चेच्या माध्यमातून सोडवण्याची भूमिका घेतली आहे. यूएन चार्टर आणि त्याच्या मूल्याचं पालन केलं जावं, प्रादेशिक एकता आणि सार्वभौमत्वाचा आदर केला पाहिजे अशी भूमिका भारतानं जर्मनीचे वरिष्ठ नेते जेन्स प्लॉन्टर यांच्यासमोर मांडली. रशियाचे परराष्ट्र मंत्री भारत दौऱ्यावर येणार होते त्या पार्श्वभूमी जर्मनीच्या टॉप नेत्यांनी भारताशी चर्चा केली.
जयशंकर यांची आणि जर्मनीच्या अधिकाऱ्यांशी भेट
Good to see Foreign and Security Policy Advisor to German Chancellor Jens Plötner this afternoon.
Understandably, our conversation focused around the Ukraine situation. pic.twitter.com/fIkyC4YTSQ
— Dr. S. Jaishankar (@DrSJaishankar) March 30, 2022
यूकेच्या परराष्ट्र सचिव देखील भारतात
यूकेच्या परराष्ट्र सचिव एलिझाबेथ थ्रुस आणि अमेरिकेचे उपसचिव दलीप सिंग यांनी बुधवारी भारतीय परराष्ट्र मंत्र्यांशी रशियाचं यूक्रेनवरील आक्रमण या मुद्द्यावर चर्चा केली.
यूनाइटेड किंगडम की विदेश सचिव @trussliz का नई दिल्ली में हार्दिक स्वागत।
आज की आपसी चर्चा के लिए तत्पर हूं। रोडमैप 2030 को साकार करने के लिए साथ मिलकर काम कर रहे हैं। https://t.co/OzOGInphIz
— Dr. S. Jaishankar (@DrSJaishankar) March 31, 2022
तर, रशिया भारताच्या बाजून उभं राहणार नाही : दलीप सिंग
रशियाचे परराष्ट्र मंत्री सेरजी लावरोव्ह भारतात पोहोचण्यापूर्वी अमेरिकेचे उपसचिव राष्ट्रीय सुरक्षा सल्लागार दलीप सिंग यांनी रशिया आणि भारतासंदर्भात एक मोठं वक्तव्य केलं आहे. रशिया आणि चीन हे एकत्र आहे. चीन ज्यावेळी लॉईन ऑफ अॅक्शनचा भंग करेल त्यावेळी रशिया भारताच्या येईल, असं वाटत नसल्याचं दलीप सिंग म्हणाले.
आपण शत्रू कमी भागीदार जास्त, चीनच्या परराष्ट्र मंत्र्यांचं वक्तव्य
चीनचे परराष्ट्र मंत्री वांग यी हे 25 मार्च ते 29 मार्च दरम्यान भारताच्या दौऱ्यावर आले होते. भारत आणि चीनच्या सैन्यात गलवानमध्ये झटापट झाल्यानंतर ते पहिल्यांदाच भारतात आले होते. दोन्ही देशांनी एकमेकांविरोधात भूमिका घेण्यापेक्षा दोन्ही देशांनी भागीदार म्हणून काम करणं आवश्यक असल्याचं वांग यी म्हणाले होते. भारत आणि चीन हे शत्रू असण्याऐवजी चांगले भागीदार असल्याचं वांग यी म्हणाले.
इतर बातम्या :
