मोठी बातमी! इराणसोबत संघर्ष सुरू असतानाच अमेरिकेत हाहाकार, थेट 27 राज्यांमध्ये…, नागरिक भयभीत, जगभरात मोठी खळबळ

अमेरिका आणि इराणमध्ये अजूनही संघर्ष सुरूच आहे. यावर्षी 28 फेब्रुवारी रोजी इराण, इस्त्रायल आणि अमेरिकेमध्ये युद्धाला सुरुवात झाली होती. इस्त्रायलकडून इराणवर पहिला हल्ला करण्यात आला, त्यानंतर मध्य पूर्वेत भीषण युद्धाला सुरुवात झाली. अमेरिका आणि इस्त्रायलकडून इराणवर भीषण हल्ले करण्यात आले, इराणच्या पायाभूत सुविधा उद्ध्वस्त करण्यात आल्या तर दुसरीकडे इराणने देखील मध्य पूर्वेतील ज्या -ज्या देशांमध्ये अमेरिकेची सैन्य तळं होते, त्या-त्या ठिकाणी भीषण हल्ले केले तसेच इ्स्त्रालयवर देखील ड्रोन आणि मिसाईल हल्ले करण्यात आले. दरम्यान त्यानंतर युद्धाच्या 40 व्या दिवशी अमेरिका आणि इराणमध्ये युद्धविराम झाला.

मात्र युद्धविराम झाल्यानंतर पुन्हा एकदा डोनाल्ड ट्रम्प यांच्याकडून युद्धविराम समाप्त झाल्याची घोषणा करण्यात आली, त्यानंतर अमेरिका आणि इराणमध्ये पुन्हा एकदा भीषण युद्धाला सुरुवात झाली. अमेरिकेकडून इराणच्या पायाभूत सुविधांना लक्ष्य करण्यात येत आहे, तर दुसरीकडे इराणकडून देखील अमेरिकेच्या सैन्य तळांवर हल्ला करण्यात येत आहे. दरम्यान इराण आणि अमेरिकेमध्ये संघर्ष सुरू असतानाच आता अमेरिकेमधून मोठी बातमी समोर येत आहे.

अमेरिकेमध्ये काँडिडा ऑरिस नावाच्या बुरशीजन्य आजाराने धुमाकूळ घातला आहे, या आजारामुळे अमेरिकेत हाहाकार उडाला आहे. तब्बल 27 राज्यांमध्ये हा आजार तीव्र वेगाने पसरला असून, या आजारामुळे अमेरिकेच्या आरोग्य व्यवस्थेचे धाबे दणाणले आहेत. हा बुरशीजन्य आजार औषधोपचारांना प्रतिसाद देत नसल्याने चिंता अधिक प्रमाणात वाढली आहे. हा आजार अनेक इन्फेक्शनचं कारण ठरत असल्यामुळे, वर्ल्ड हेल्थ ऑर्गनाइझेशनने देखील या आजाराची गंभीर दखल घेतली असून, ‘क्रिटिकल-प्रायोरिटी फंगल पॅथॉजन’ अत्यंत धोकादायक आजार असं या आजाराचं वर्गीकरण करण्यात आलं आहे.

1996 मध्ये पहिल्यांदा या आजाराचा शोध लागला होता. हा आजार खूप घातक आहे, याचं कारण म्हणजे हा आजार तुम्ही एकमेकांच्या संर्पकात आल्यास लगेच या आजाराची लागण होते. तसेच हा आजार असलेल्या एखाद्या व्यक्तीने एखाद्या वस्तूला जरी स्पर्श केला तरी त्या वस्तूवर  ही बुरशी दीर्घकाळ टिकवून राहते आणि त्यामुळे इतर व्यक्तींना देखील हा आजार होण्याची शक्यता असते.