शिवसेना कोणाची? ठाकरेंच्या वकिलाच्या दाव्याने ट्विस्ट, शिंदेंचं अध्यक्षपद धोक्यात

शिवसेना पक्ष आणि चिन्ह प्रकरणी पुन्हा सुनावणी असणार आहे. ठाकरेंच्या शिवसेनेचा युक्तिवाद आज संपणार आहे. सुप्रीम कोर्टात ठाकरेंचे कपिल सिब्बल आणि देवदत्त काम ठाकरे गटाची बाजू मांडणार आहेत. ते जवळपास अर्धा तास युक्तिवाद करणार आहेत. त्यामुळे आज सुप्रीम कोर्टात नेमकं काय घडणार, याकडे साऱ्यांचं लक्ष लागलं आहे.

ठाकरेंचे देवदत्त कामत यांनी सांगितले की, यामध्ये पक्ष आणि चिन्हाचा विषय संपूर्णपणे कायदेशीर झाला आहे. माननीय अध्यक्षांचा निर्णयाचा निकाल, निवडणूक आयोगाचा निर्णय कोर्टासमोर आहे. आता कपिल सिब्बल यांनी काल ठाकरेंच्या वतीने गोठवण्याची मागणी केली. ते उद्धव ठाकरे आणि एकनाथ शिंदे यांनाही देऊ नये, असा दावा त्यांनी केला आहे. शिंदेंच्या बाजूचा युक्तिवादाचा पाया असा आहे की, मूळ पक्ष आणि संसदीय पक्ष यात फरक आहे. परंतु सिब्बल यांनी दोन्ही पक्षात कोणताही फरक नसल्याचा दावा केला आहे’.

काल कामत यांनी काय दावा केला?

एका दाव्यात त्यांनी म्हटलं की,’आमदारांची द टर्म संपत चालली आहे. त्यामुळे आमदार पात्रता प्रकरण महत्वाचं आहे. जर शिंदेंच पक्षात राहिले नाही, तर त्यांचे दावे कसे सिद्ध होतील. त्यांच्या पक्षाचे प्रमुख, सचिवांनी रचनेची पायमल्ली केली आहे. ते विधीमंडळ हा पक्षा राजकीय पक्ष असल्याचा दावा करू शकत नाही. त्यामुळे विधीमंडळ राजकीय पक्ष असल्याचे सांगून कारवाईपासून वाचू शकत नाही, असा युक्तिवाद त्यांनी केला.

सुप्रीम कोर्टातील न्यायमूर्ती बागचे यांनी वकील देवदत्त काम यांना अनेक प्रश्न विचारले. न्यायमूर्ती यांनी बागचे यांनी विचारलं की, शिंदेंना अपात्र घोषित करू शकतो का? विधानसभा अध्यक्षांची भूमिका घेऊन शिंदेंना अपात्र ठरवू शकतो का? असा सवाल न्यायमुर्ती बागची यांनी विचारला. त्यानंतर कामत यांनी म्हटलं की, ‘जर विधानसभा अध्यक्षांची भूमिका कायद्याच्या विरोधात असेल, तर आम्ही रद्द करू शकतो, यात कोणतीही शंका नाही. यामुळे आम्ही त्यांना अपात्र करू शकतो का? असे न्यायमूर्ती बागची यांनी वकील कामत यांना विचारले.  ठाकरेंच्या वकिलांच्या दाव्याने शिंदेंच्या पक्षातील अध्यक्षपदावर प्रश्नचिन्ह निर्माण झाले आहेत.