Sonam Wangchuk : मोदी 2014 मध्ये तुम्ही शब्द दिलेला पण अजूनही…सोनम वांगचुक यांचं थेट नरेंद्र मोदींना चॅलेंज

सामाजिक कार्यकर्ते सोनम वांगचुक यांनी स्वातंत्र्य दिनाच्या दिवशी पंतप्रधान नरेंद्र मोदी यांना 2014 साली दिलेल्या आश्वासनाची आठवण करून दिली. वांगुचक यांनी तेच आश्वासन अवघ्या वर्षभरात पूर्ण करण्याची मागणी केली आहे. सोनम यांनी व्हिडिओ शेअर करत ही मागणी केली आहे. वांगचुक यांनी केलेल्या मागणीची सोशल मीडियावर तुफान चर्चा होत आहे.

सोनम वांगचुक यांनी म्हटलं की, ‘संसद भवनात प्रत्येक दुसऱ्या खासदारावर गुन्हा दाखल आहे. तर तिसऱ्या खासदारावर अत्याचार आणि हत्या सारखे गंभीर गुन्ह्याचा आरोप आहे. तुम्ही संसदेला गुन्हेगारीमुक्त कसे करू शकतो? मी तुम्हाला काल स्वातंत्र्यदिनामित्त हीच मदत मागत होतो. नेतृत्व करणारे भरकटले, तर देश भरकटत जातो’.

‘वांगचुक यांनी पंतप्रधान नरेंद्र मोदी यांच्या 2014 सालच्या मुलाखतीचा एक व्हिडिओ शेअर केला. त्यानंतर या व्हिडिओविषयी म्हणाले की, ‘मी मागील काही दिवसांपूर्वी सहाकाऱ्यांसोबत चर्चा करत होतो. त्याने चांगली सूचना केली. गुन्हेगारी पार्श्वभूमी असणारे नेते संसदेत कसे टिकतात? कोर्टानुसार, जोपर्यंत आरोप सिद्ध होत नाही, तोपर्यंत गुन्हेगार ठरत नाही. याच सिद्धांताच्या आडून नेत्यांचे संसदेतील 5-10 वर्ष निघून जातात. खरंतर आपल्या देशात न्याय मिळता मिळता सहज 10 ते 15 वर्ष निघून जातात. सहकाऱ्याची सूचना होती की, या खासदार आणि आमदारांवर या प्रकरणी कोर्टात लवकर कारवाई करावी. फास्ट ट्रॅक कोर्टात 6 ते १२ महिन्यात निकाल जाहीर केला जातो. यामुळे गुन्हेगार तुरुंगात जातील. आणि निर्दोष खासदार संसदेत राहतील. मला ही सूचना चांगली वाटली’

CAN WE SEEK THIS GIFT FROM THE HONOURABLE PM
ON THIS INDEPENDENCE DAY…!
A Decriminalised Parliament, as promised by the Prime Minister in 2014. And I’m sure the LOP Sh. Rahul Gandhi and all parties will readily agree for this revolutionary step to clean up our democracy.

And… pic.twitter.com/cm6XrzD83s

— Sonam Wangchuk (@Wangchuk66) August 14, 2026

मी हीच बाब तुमच्यासोबत शेअर करणार होतो. परंतु त्याचवेळी मला पंतप्रधान नरेंद्र मोदी यांच्या मुलाखतीचा व्हिडिओ मिळाला. मी हा व्हिडिओ पंतप्रधान नरेंद्र मोदींना दोषी ठरवण्यासाठी व्हिडिओ तयार करत नाही. परंतु आपण सर्व मिळून पंतप्रधान नरेंद्र मोदी यांना आवाहन करू शकतो. आमची मागणी ही एका वर्षांत 15 ऑगस्ट 2026 ते 15 ते 2027 वर्षांत पर्यंत केले, तर स्वातंत्र्यदिनी तुमची सर्वात मोठी भेट असेल. चला आपण पंतप्रधान मोदींकडे याची मागणी करूया. हेच आपल्यासाठी गिफ्ट असेल. माझा व्हिडिओ शेअर करा. जेणेकरून त्यांच्यापर्यंत हा व्हिडिओ पोहोचेल.