Swami Avimukteshwaranand: स्वामी अविमुक्तेश्वरानंद यांच्यावर लैंगिक अत्याचाराचे आरोप, मठात सिक्रेट रुम, स्वीमिंग पूल आणि… रहस्य अखेर समोर

Swami Avimukteshwaranand

Swami Avimukteshwaranand: अल्पवयीन शिष्यांचं लैंगिक शोषण प्रकरणी स्वामी अविमुक्तेश्वरानंद यांच्या अडचणीत मोठी वाढ होण्याची शक्यता आहे. मिळालेल्या माहितीनुसार, अल्पवयीन शिष्यांचं लैंगिक शोषण झाल्याचं सत्य अखेर मेडिकल रिपोर्ट आल्यानंतर समोर आलं आहे. बुधवारी पोलीसांनी दोन अल्पवयीन मुलांची मेडीकल चाचणी केली. आता याप्रकरणी आणखी एक धक्कादायक माहिती समोर आली आहे. शंकराचार्य स्वामी अविमुक्तेश्वरानंद सरस्वती यांच्या मठातील ‘सिक्रेट रुम’चं सत्य समोर आलं आहे. मठात राहिलेल्या एका लेखीकेने धक्कादायक दावा केला आहे. लेखीकेने असाही दावा केला आहे की, सिक्रेट रुममध्ये जाण्याची परवानगी कोणालच नव्हती… यावर स्वामी अविमुक्तेश्वरानंद यांची प्रतिक्रिया देखील समोर आली आहे.

स्वामी अविमुक्तेश्वरानंद यांच्या म्हणण्यानुसार, ‘मठात विद्यालय देखील आहे. पण आम्ही शूट करण्याची परवानगी दिली तर, याठिकाणी रेकी होईल आणि सुरक्षेच्या दृष्टीकोनातून ते योग्य नाही… कॅमेऱ्याशिवाया कोणाला मठ पाहायचा असेल, तर ते पाहू शकतात… आमच्या मठात कोणत्याच खोलीला कुलूप लागलेलं नाही…’

लेखीका भूमिका द्विवेदी यांनी केलेले मोठे दावे…

– मठात काही सिक्रेट खोल्या आहेत.

– मठात शंकराचार्य यांची एक सखी आहे. त्यांच्यासोबत ते झोपतात.

– मठात काही असे ठिकाण आहेत, जिथे जाण्याती परवानगी नाही.

– आश्रमात मुलांना त्यांच्या पालकांशी बोलण्याची परवानगी नाही.

– आश्रमातील वातावरण पवित्र नाही, प्रत्येक जण याठिकाणी चैनीचं आयुष्य जगत आहेत.

मठातील स्वीमिंग पूलबद्दल स्वामी अविमुक्तेश्वरानंद यांचं मोठं वक्तव्य

शंकराचार्य यांनी सांगितल्यानुसार, मठात असलेले स्वीमिंगपूल आमच्या गुरुजींचं होतं, ते आमच्या गुरुजींसाठी खास बनवण्यात आलं होतं… त्यांच्या आरोग्यासाठी ते स्वीमिंगपूल बांधण्यात आलं होतं. शंकराचार्य म्हणाले, ‘आमचं छोटं मठ आहे. त्यामध्ये 150 – 200 लोकं मठात कसे राहतात हे फक्त आम्हाला माहिती आहे. मठात कोणतंच, गुप्त स्थान, शीश महल किंवा स्विमिंग पूल नाही. जेव्हा आमचे गुरुजी मठात राहत होते, तेव्हा डॉक्टरांनी त्यांच्या व्यायाम करण्यासाठी एक व्यवस्था तयार करण्यात आली होती. आता ते स्वीमिंग पूल बंद आहे.’ असं देखील शंकराचार्य म्हणाले.

मठ आणि मठातील खोल्यांबद्दलच्या दाव्यांबद्दल शंकराचार्य म्हणाले, एक बनावट कथा पसरवली जात आहे. ही कथा खोटी आहे. आम्ही स्वतः एक मठ आहोत, एक गतिमान मठ आहोत. आम्ही एक संस्था आहोत आणि संस्थेचं रक्षण करण्यासाठी एक वर्ग आहे.

अटकपूर्व जामीन अर्जावर काय म्हणाले स्वामी अविमुक्तेश्वरानंद?

अटकपूर्व जामीन अर्जावर देखील स्वामी अविमुक्तेश्वरानंद यांनी वक्तव्य केलं आहे. ‘अनेक कथा समोर आल्या आहेत. त्याला तुरुंगात नेलं जाते आणि त्यांच्यावर अन्याय केला जातोय. त्यांना विषाचं इंजेक्शन टोचलं जात आहे. सुरक्षेच्या कारणास्तव आणि सर्वांच्या भावना लक्षात घेऊन अटकपूर्व जामीन मंजूर करण्यात आला.