Bus Accident : थरकाप उडवणारा भीषण अपघात, प्रवाशांनी भरलेली बस लोखंडी सळ्यांनी भरलेल्या कंटेनरमध्ये घुसली
Bus Accident : थरकाप उडवणारा एक भीषण अपघात झाला आहे. प्रवाशांनी भरलेली बस आणि लोखंडी सळ्या असलेल्या कंटनेरचा अपघात झाला आहे. बसच्या आत अडकलेले प्रवासी भेदरलेल्या अवस्थेत होते.
तेलंगणातील सूर्यपेट जिल्ह्यातील कोडड मंडळात द्वारकुंटाजवळ हैदराबादहून एलुरुला जाणाऱ्या खाजगी बसचा कंटेनरला धडकून भीषण अपघात झाला आहे. कोडड मंडळातील द्वारकुंटाजवळ हा भीषण रस्ते अपघात झाला. लोखंडी सळ्यांनी भरलेल्या कंटेनर ट्रकला एका खाजगी ट्रॅव्हल्सच्या बसने मागून धडक दिली. या अपघातात पाच जणांचा मृत्यू झाला असून 20 जण गंभीर जखमी झाले आहेत. जखमींना रुग्णालयात दाखल केले आहे. कंटेनरमधील लोखंडी सळ्या बसमध्ये घुसल्याने अपघाताची भीषणता वाढली. खाजगी ट्रॅव्हल्सची बस हैदराबादहून एलुरुकडे जात होती. बसमध्ये अडकलेले प्रवासी विव्हळत होते. पोलिसांनी तासभर चाललेल्या बचावकार्यानंतर जखमी प्रवाशांना बाहेर काढले. हैदराबाद-विजयवाडा राष्ट्रीय महामार्गावर वाहतूक कोंडी.
स्थानिक नागरिक आणि पोलीस घटनास्थळी पोहोचले. त्यांनी जखमींना उपचारासाठी रुग्णालयात दाखल केले. ही दुर्घटना कोडद मंडल द्वारकुंटा जवळ झाली. ही ट्रॅव्हल बस हैदराबादच्या दिशेने जात होती. बस कंटनेरला धडकताच आतमधील प्रवाशांचा किंकाळ्याचा एकच आवाज ऐकू आला. बसच्या आत अडकलेले प्रवासी भेदरलेल्या अवस्थेत होते. पोलिसांनी जखमींना बाहेर काढलं.
अपघाताच्यावेळी बसमध्ये किती प्रवासी होते?
अपघात झाला, त्यावेळी बसमध्ये 42 प्रवासी होते. मृतांमध्ये तीन पुरुष आणि दोन महिलांचा समावेश आहे. जखमींना उपचारासाठी कोडद येथील सरकारी रुग्णालयात दाखल करण्यात आलं आहे. घटनास्थळी मदत आणि बचाव कार्य सुरु आहे.
रस्त्यावर वाहनांच्या लांबच लांब रांगा
अपघातात गंभीर जखमी असलेल्या प्रवाशांना प्राथमिक उपचारानंतर चांगल्या उपचारासाठी रुग्णालयात पाठवण्यात आलं आहे. अपघातानंतर हैदराबाद-विजयवाडा मार्गावरील वाहतूक पूर्णपणे विस्कळीत झाली. रस्त्यावर वाहनांच्या लांबच लांब रांगा लागल्या होत्या. पोलिसांनी अपघातग्रस्त वाहनं हटवून वाहतूक पूर्ववत केली. पोलीस अपघाताच्या कारणांचा शोध घेत आहे.
