मंदिर सजलंय, पूजेची सगळी तयारी झालीय; आता प्रतिक्षा फक्त राम मंदिर प्राणप्रतिष्ठेची…
Ayodhya Ram Mandir Inauguration Today : रामभक्तांसाठी आजचा दिवस महत्वाचा आहे. कारण ज्या क्षणाची वाट मागच्या कित्येक वर्षांपासून पाहिली जात होती. तो क्षण आज आला आहे. अयोध्येतील राम मंदिराचं उद्घाटन होतं आहे. पंतप्रधान नरेंद्र मोदी यांच्या हस्ते ही प्राणप्रतिष्ठा केली जाणार आहे.
अयोध्या | 22 जानेवारी 2024 : आज राम मंदिराचं उद्घाटन होत आहे. त्यासाठी अयोध्यानगरी सजली आहे. असंख्य राम भक्त अयोध्येत दाखल झाले आहेत. अवघी अयोध्यानगरी राममय झाली आहे.
राम मंदिरात फुलांची सजावट पूर्ण झाली आहे. राम मंदिर उद्घाटन सोहळा नजरेच्या टप्प्यात आला आहे. अशात आता प्रतिक्षा आहे ती केवळ प्राणप्रतिष्ठा सोहळ्याची...
मंदिराला बाहेरील बाजूनेही सजावट करण्यात आली आहे. फुलांबरोबरच लाईट्सही लावण्यात आल्या आहेत. त्यामुळे राम मंदिर अधिकच उजळून निघालं आहे.
अयोध्या नगरीत आज अनेक व्हीव्हीआयपी लोक पोहोचले आहेत. त्यामुळे काही अनुचित प्रकार घडू नये, यासाठी प्रचंड मोठी सुरक्षा व्यवस्था तैनात आहे.
राम मंदिराच्या उद्घाटनाच्या सोहळ्याला देशभरातून लोक आले आहेत. या लोकांचं उत्तर प्रदेशचे मुख्यमंत्री योगी आदित्यनाथ यांनी स्वागत केलं. काही वेळा आधी मंदिर परिसरात येत योगी आदित्यनाथ यांनी उपस्थितीतांचं स्वागत केलं.
