23 वर्षांपूर्वीचं प्रचंड रोमँटिक गाणं, ज्याला मिळाले 196 मिलियन व्ह्यूज, आजही ऐकलं तरी…
23 वर्षानंतरही या रोमँटिक गाण्याची क्रेझ कमी न होता अधिक वाढतच आहे. आजही या गाण्याचे आहेत लाखो चाहते. यूट्यूबवर मिळाले आहेत 196 मिलियन व्ह्यूज.
बॉलिवूडमधील रोमँटिक गाण्यांचे आकर्षण काळ बदलला तरी कमी झालेले नाही. विशेषतः 90 चे दशक आणि 2000 च्या सुरुवातीच्या काळातील गाणी आजही संगीतप्रेमींच्या आवडीची आहेत.
अशाच गाण्यांपैकी एक म्हणजे 'दिल का रिश्ता बड़ा ही प्यारा है'. 2003 मध्ये प्रदर्शित झालेले हे गाणे आजही प्रेमगीतांच्या यादीत विशेष स्थान राखून आहे. हे गाणे अलका याज्ञिक, कुमार सानू आणि उदित नारायण यांनी स्वरबद्ध केले आहे.
हे गाणे 'दिल का रिश्ता' या चित्रपटातील असून त्यात ऐश्वर्या राय, अर्जुन रामपाल आणि प्रियांशू चॅटर्जी यांच्यावर चित्रित करण्यात आले आहे. सुंदर लोकेशन्स, आकर्षक छायांकन आणि भावनिक सादरीकरणामुळे हे गाणे प्रेक्षकांच्या मनात घर करून गेले.
आजच्या डिजिटल युगातही या गाण्याची लोकप्रियता तशीच कायम आहे. सोशल मीडियावरील रील्स, व्हिडिओ आणि विविध खास प्रसंगांसाठी या गाण्याचा मोठ्या प्रमाणावर वापर केला जातो.
अधिकृत यूट्यूब चॅनेलवर या गाण्याला आतापर्यंत 19 कोटींहून अधिक व्ह्यूज मिळाले आहेत, जे त्याच्या कायमस्वरूपी लोकप्रियतेची साक्ष देतात. हा एक भावनिक रोमँटिक चित्रपट असून त्याचे दिग्दर्शन नरेश मल्होत्रा यांनी केले होते.
