या गाण्याची कॅसेट घेण्यासाठी लागायच्या रांगा, 27 वर्षानंतरही हे गाणं प्रचंड ट्रेंडमध्ये
6 मिनिटांचं गाणं, ज्याची लोकप्रियता इतकी होती की लोक त्या गाण्याचे कॅसेट घेण्यासाठी लोक दुकानाबाहेर रांगेत उभे राहायचे. 27 वर्षानंतरही या गाण्याची क्रेझ कायम.
90 च्या दशकाला हिंदी चित्रपटसृष्टीतील रोमँटिक आणि मेलोडी संगीताचा सुवर्णकाळ मानले जाते. त्या काळात चित्रपटांची ओळख फक्त कथा किंवा कलाकारांमुळे नाही तर त्यांच्या गाण्यांमुळेही निर्माण होत असे. आजही 90च्या दशकातील अनेक गाणी तितकीच लोकप्रिय आहेत. अशाच एका सुपरहिट रोमँटिक गाण्याची चर्चा पुन्हा रंगली आहे.
‘मुझे रात दिन बस मुझे चाहती हो’ हे गाणे 1999 मध्ये प्रदर्शित झालेल्या 'संघर्ष' या चित्रपटातील आहे. रिलीज झाल्यानंतर हे गाणे तरुणाईमध्ये अक्षरशः वेड लावणारे ठरले होते. आज तब्बल 27 वर्षांनंतरही या गाण्याची लोकप्रियता कायम असून सोशल मीडिया, रील्स आणि विविध म्युझिक प्लॅटफॉर्म्सवर हे गाणे अजूनही ट्रेंड होताना दिसते.
या गाण्याची खासियत म्हणजे त्याची साधी पण मनाला भिडणारी धून, सॉफ्ट म्युझिक आणि प्रेमभावना व्यक्त करणारे शब्द. त्या काळात या गाण्याच्या कॅसेट्स खरेदी करण्यासाठी संगीत दुकानांबाहेर चाहत्यांच्या रांगा लागत असत. हे गाणे 90च्या दशकातील सर्वाधिक लोकप्रिय रोमँटिक ट्रॅक्सपैकी एक मानले जाते.
आजच्या डिजिटल आणि इंटरनेटच्या युगातही या गाण्याची क्रेझ अजिबात कमी झालेली नाही. जुन्या पिढीसाठी हे गाणे त्यांच्या आठवणी, पहिल्या प्रेमाच्या भावना आणि सुंदर क्षण पुन्हा जागवणारे ठरते तर नव्या पिढीलाही त्याची रोमँटिक फील प्रचंड आवडते. त्यामुळे हे गाणे आजही अनेकांच्या प्लेलिस्टचा महत्त्वाचा भाग आहे.
हा चित्रपट सुमारे 8 ते 10 कोटी रुपयांच्या बजेटमध्ये तयार करण्यात आला होता. बॉक्स ऑफिसवर मात्र त्याला अपेक्षित यश मिळाले नाही. तरीही चित्रपटातील गाणी मोठ्या प्रमाणावर लोकप्रिय झाली.
