इतकं रोमँटिक गाणं की ऐकलं तरी लोक दिवसभर गुणगुणतात, 31 वर्षांपासून तरुणांचं आवडतं
31 वर्षानंतरही या रोमँटिक गाण्याची जादू कमी झालेली नाही. आजही या गाण्याचे आहेत लाखो चाहते. हे गाणं ऐकदा ऐकलं तर लोक दिवसभर गुणगुणतात.
90 चे दशक हे हिंदी चित्रपटसृष्टी आणि संगीतविश्वासाठी सुवर्णकाळ मानले जाते. त्या काळात अनेक रोमँटिक गाणी प्रचंड लोकप्रिय झाली होती. रेडिओ, कॅसेट आणि सीडीच्या माध्यमातून ही गाणी घराघरात पोहोचली.
सुंदर चाली, हृदयस्पर्शी गीत आणि गायकांच्या सुरेल आवाजामुळे ही गाणी आजही रसिकांच्या मनात तितकीच ताजी आहेत. सोशल मीडियाच्या युगातही ही गाणी नव्या पिढीमध्ये तितकीच लोकप्रिय असून यूट्यूब, म्युझिक अॅप्स आणि इन्स्टाग्राम रील्सवर त्यांना मोठा प्रतिसाद मिळत आहे.
अशाच सदाबहार गाण्यांपैकी एक म्हणजे 1995 मध्ये प्रदर्शित झालेल्या 'राजा' या चित्रपटातील 'नजरे मिली दिल धडका... मेरी धड़कन ने कहा लव्ह यू राजा' हे गाणे. हे गाणे प्रसिद्ध गायक उदित नारायण आणि अलका याज्ञनिक यांनी गायले असून, त्याला संगीतकार जोडी नदीम-श्रवण यांनी संगीत दिले आहे.
हे गाणे अभिनेत्री माधुरी दीक्षित आणि अभिनेता संजय कपूर यांच्यावर चित्रित करण्यात आले होते. दोघांची पडद्यावरील केमिस्ट्री आणि गाण्याचे चित्रीकरण प्रेक्षकांच्या पसंतीस उतरले. गाणे प्रदर्शित झाल्यानंतर रेडिओ आणि टीव्हीवरील संगीतवाहिन्यांवर ते सातत्याने ऐकायला मिळत होते.
या गाण्यामुळे 'राजा' चित्रपटालाही मोठी ओळख मिळाली. आज जवळपास तीन दशकांनंतरही या गाण्याची लोकप्रियता कायम आहे. यूट्यूबवरील विविध व्हिडिओंना कोट्यवधी व्ह्यूज मिळाले असून, अनेकजण आजही हे गाणे आपल्या प्लेलिस्टमध्ये ठेवतात.
