90 ची टॉप अभिनेत्री, एकेकाळी सौंदर्यामुळे झाली ट्रोल, पण नंतर बनली बॉक्स ऑफिस क्वीन, तिच्या नावामुळे चित्रपट व्हायचा हिट
90 च्या दशकातील टॉपची अभिनेत्री, पण लुकमुळे झाली ट्रोल, नंतर बनली बॉक्स ऑफिसची क्वीन. तिच्या नावामुळे व्हायची चित्रपटांच्या तिकिटाची विक्री. दिलेत अनेक हिट चित्रपट.
90 च्या दशकातील बॉलिवूडमधील सर्वात लोकप्रिय अभिनेत्रींपैकी एक असलेल्या करिश्मा कपूर आज तिचा वाढदिवस साजरा करत आहे. 1974 मध्ये मुंबईत कपूर कुटुंबात जन्मलेल्या करिश्माने वयाच्या अवघ्या 16 व्या वर्षी चित्रपटसृष्टीत प्रवेश केला आणि पुढे ती हिंदी चित्रपटसृष्टीतील आघाडीची अभिनेत्री बनली.
कपूर घराण्यातील महिलांनी चित्रपटांत काम करू नये अशी परंपरा असतानाही करिश्माने अभिनय क्षेत्राची निवड केली. 1991 मध्ये प्रदर्शित झालेल्या 'प्रेम कैदी' या चित्रपटातून तिने बॉलिवूडमध्ये पदार्पण केले. सुरुवातीच्या काळात तिच्या लूक, हेअरस्टाइल आणि अभिनयावर टीका झाली.
अनेकांनी ती केवळ कपूर आडनावामुळे चित्रपटांत संधी मिळवत असल्याचे म्हटले होते. मात्र करिश्माने आपल्या मेहनतीच्या जोरावर सर्व टीकाकारांना उत्तर दिले. राजा बाबू, कुली नं. 1, साजन चले ससुराल, हीरो नं. 1, बीवी नं. 1, हसीना मान जाएगी आणि Dil To Pagal Hai यांसारख्या सुपरहिट चित्रपटांमधून तिने प्रेक्षकांच्या मनावर अधिराज्य गाजवले.
विशेषतः गोविंदासोबतची तिची जोडी त्या काळात प्रचंड लोकप्रिय ठरली. करिश्माने शाहरुख खान, सलमान खान आणि आमिर कान या तिन्ही खान अभिनेत्यांसोबतही काम केले आहे. दिल तो पागल है या चित्रपटातील दमदार अभिनयासाठी तिला सर्वोत्कृष्ट सहाय्यक अभिनेत्रीचा पुरस्कारही मिळाला होता.
करिअरच्या शिखरावर असताना काही काळ तिने चित्रपटांपासून दूर राहण्याचा निर्णय घेतला. मात्र आजही तिची यशोगाथा अनेकांसाठी प्रेरणादायी मानली जाते. शिक्षण केवळ पाचवीपर्यंत झाले असले तरी मेहनत, जिद्द आणि अभिनयाच्या बळावर करिश्माने बॉलिवूडमध्ये स्वतःचे वेगळे स्थान निर्माण केले.
