मध्यरात्री दिग्दर्शक खोलीत आला अन्… अभिनेत्रीसोबत नको ते घडलं, थेट सिनेमातून काढले
एका अभिनेत्रीने तिच्यासोबत घडलेला धक्कादायक प्रकार सांगितला आहे. एका मुलाखतीमध्ये तिने सांगितले की दिग्दर्शकाने तिला सिनेमातून काढून टाकले.
अभिनेत्री आणि सोशल मीडिया इन्फ्लुएंसर संदीपा विर्क यांनी आपल्या आयुष्यात खूप कठीण काळ अनुभवला आहे. ६ कोटींच्या मनी लॉन्ड्रिंग प्रकरणात अभिनेत्रीला साडेचार महिने तिहाड जेलमध्ये राहावे लागले होते. संदीपा विर्क अनेक वेगवेगळ्या मुलाखतींमध्ये जेलमध्ये घालवलेल्या आपल्या कठीण दिवसांबद्दल बोलल्या आहेत. अभिनेत्रीने आता एका युट्यूब चॅनेलशी बोलताना इंडस्ट्रीची पोल खोल केली आहे.
संदीपा विर्क यांनी ग्लॅमरच्या जगातील काळे सत्य सांगितले आहे. शोबिझच्या झगमगाटाच्या मागे अनेक गोष्टी असतात हे देखील त्यांनी सांगितले आहे. संदीपाने सांगितले की, त्यांच्याकडून अनेकदा कामाच्या बदल्यात कॉम्प्रोमाइज करण्याची मागणी झाली आहे.
संदीपाला विचारण्यात आले की, त्यांनी फक्त एक पंजाबी चित्रपट का केला? एका चित्रपटानंतर इंडस्ट्रीपासून दूर का गेल्या? यावर अभिनेत्री म्हणाली की, माझ्याकडे पर्याय नाही. पंजाबी इंडस्ट्रीत खूप वाईट लोक आहेत.
‘मी एका चित्रपटाचे शूटिंग करत होते. तेव्हा दिग्दर्शक माझ्या खोलीत आले होते. मी तो चित्रपट करता-करता सोडला होता. सात दिवसांची शूटिंगही झाली होती. जर कोणी माझा मित्र किंवा माझ्या चित्रपटाचा दिग्दर्शक असेल जर तो रात्री दार ठोठावत असेल तर मी दार उघडेनच. कारण आम्ही सात दिवसांपासून एकत्र काम करत होतो' असे म्हटले.
पुढे ती म्हणाली, ‘दिग्दर्शकाने खोलीत येऊन मला म्हटले संदीपा तुम्हाला कंप्रोमाइज करावे लागेल. दिग्दर्शकाने दारू पिलेली होती. मी त्याला म्हटले मी तर करणार नाही. तर त्याने मला धमकी दिली की मला चित्रपटातून काढून टाकेल.’
शेवटी ती म्हणाली की, ‘तो माझ्या बेडवर बसला. तेव्हा मी म्हटले की मी तर कंप्रोमाइज करणार नाही. मला वाटले होते की सात दिवसांची शूटिंग झाली आहे, तर मला चित्रपटातून काढणार नाहीत, पण कंप्रोमाइजसाठी नकार दिल्यानंतर मला चित्रपटातून काढून टाकले होते.’
