अंबानींच्या गणपती दर्शनासाठी जिनिलीयाची खास हजेरी; पारंपरिक लूकने वेधलं सर्वांचं लक्ष
अभिनेत्री जिनिलीया देशमुखने अंबानी यांच्या गणपती दर्शन घेण्यासाठी हजेरी लावली होती. या निमित्ताने तिने केलेल्या पारंपरिक लुकने वेधलं लक्ष.
उद्योगपती मुकेश अंबानी यांच्या ‘अँटिलिया’ निवासस्थानी गणपती बाप्पाचं आगमन झालं असून, बाप्पाच्या दर्शनासाठी अनेक सेलिब्रिटी आवर्जून हजेरी लावत आहेत. यावेळी अभिनेत्री जिनिलिया देशमुख हिनेही अंबानींच्या गणपतीचं दर्शन घेतलं.
यावेळी तिच्या पारंपरिक आणि देखण्या लूकने सर्वांचं लक्ष वेधून घेतलं. गणेशोत्सवाच्या शुभप्रसंगी जिनिलियाने अतिशय सुंदर पारंपरिक पोशाखाची निवड केली होती.
तिने मोरपंखी निळ्या आणि हिरव्या रंगाच्या आकर्षक लेहेंग्यात आपला लूक साकारला. या लेहेंग्यावर सुंदर भरतकाम करण्यात आलं असून, जरीच्या कामामुळे तिच्या पोशाखाला आणखी शाही अंदाज आला होता.
जिनिलियाने या पारंपरिक पोशाखासोबत मोत्यांसह खड्यांचा वजनदार नेकलेस परिधान केला होता. तसेच कानात घातलेल्या सुंदर झुमक्यांमुळे तिचा लूक आणखी खुलून दिसत होता.
दागिन्यांची निवड करताना तिने पारंपरिकतेसोबतच सोबरपणाचाही सुरेख समतोल साधला. तिच्या हेअरस्टाइलनेही विशेष लक्ष वेधून घेतलं.
