बॉक्स ऑफिसवर 275 कोटींची कमाई; ओटीटी येताच हॉरर कॉमेडीचा पुन्हा धुमाकूळ
गेल्या आठवड्यात ओटीटीवर प्रदर्शित झालेला हा चित्रपट पहिल्या क्रमांकावर ट्रेंड होत आहे. या चित्रपटाने बॉक्स ऑफिसवर 250 कोटी रुपयांपेक्षा अधिक कमाई केली होती. आता ओटीटीवरही दमदार प्रतिसाद मिळतोय.
ओटीटी प्लॅटफॉर्मवर दर आठवड्याला नवनवीन कंटेंट प्रेक्षकांच्या भेटीला येत असतो. मात्र त्यापैकी काही मोजकेच चित्रपट आणि वेब सीरिज प्रेक्षकांची मनं जिंकून घेतात. सध्या एक हॉरर आणि अॅक्शन चित्रपट प्रेक्षकांच्या पसंतीस उतरला आहे. 'स्त्री 2'नंतर या हॉरर कॉमेडी चित्रपटाला ओटीटी वर दमदार प्रतिसाद मिळतोय.
या चित्रपटाने जगभरातील बॉक्स ऑफिसवर तब्बल 270 कोटी रुपयांचा गल्ला जमवला होता. या चित्रपटाने बजेटच्या तुलनेत 66 टक्के अधिक नफा कमवत 'सुपरहिट'चा टॅग आपल्या नावे केला होता. या चित्रपटात अक्षय कुमार आणि तब्बू यांच्या मुख्य भूमिका आहेत. गेल्या आठवड्यात 12 जून रोजी हा चित्रपट ओटीटी प्लॅटफॉर्मवर स्ट्रीम झाला.
या चित्रपटाच्या निमित्ताने प्रियदर्शन आणि अक्षय कुमार जवळपास 16 वर्षांनंतर एकत्र आले आहेत. या जोडीने पुन्हा एकदा कमाल केली आहे. एक आठवडा उलटूनही हा चित्रपट ओटीटी प्लॅटफॉर्मवर पहिल्या क्रमाकांवर ट्रेंड होत आहे. अक्षय कुमार व्यतिरिक्त या चित्रपटात तब्बू, वामिका गब्बी, परेश रावल आणि राजपाल यादव यांच्याही भूमिका आहेत.
या चित्रपटाची कथा अक्षयच्या वडिलोपार्जित 350 वर्षे जुन्या हवेलीभोवती फिरते. मंगलपूर गावात असलेल्या या हवेलीत वधसूर नावाच्या राक्षसाचा वावर आहे, जो लग्नांमध्य अडथळे आणतो. लंडनमध्ये राहणारा आणि कर्जात बुडालेला अक्षय कुमार मंगलपूरमधील वडिलोपार्जित वाडा शोधून काढतो.
वाड्याचा ताबा घेतल्यानंतर तिथेच तो त्याच्या बहिणीच्या लग्नाचं आयोजन करतो. इथूनच या झपाटलेल्या वाड्याची कथा उलगडते. या चित्रपटाचं नाव 'भूत बंगला' असून बॉक्स ऑफिसवर याची दमदार कमाई झाली होती. त्यानंतर आता ओटीटी प्लॅटफॉर्मवरही हा चित्रपट ट्रेंडिंगमध्ये पहिल्या क्रमाकांवर आहे.
