Radhika Merchant Watch : राधिका मर्चंटच्या हातात तब्बल 26 कोटींचं घड्याळ, फोटो व्हायरल; नेमकी विशेषता काय?
राधिका मर्चंट 29 मार्च रोजी मुंबई इंडियन्स आणि कोलकाता नाईट रायडर्स यांच्यात सामना झाला. हाच सामना पाहण्यासाठी राधिका मर्चंट तसेच इतर अंबानी कुटुंबीय आले होते. याच वेळी राधिका मर्चंटच्या हातातील घड्याळ देशभरात चर्चेचा विषय ठरले आहे.
देशातील सर्वात श्रीमंत असलेलं अंबानी कुटुंब नेहमीच चर्चेत असतं. या कुटुंबाचे राहणीमान, त्यांची श्रीमंती, त्यांच्याकडे असलेला पैसा, दागिने याची नेहमीच चर्चा होता. दरम्यान, आता अंबानी कुटुंबाची सून असलेल्या राधिका मर्चंटच्या एका घड्याळाची देशभरात चर्चा होत आहे.
राधिका मर्चंट 29 मार्च रोजी मुंबई इंडियन्स आणि कोलकाता नाईट रायडर्स यांच्यात सामना झाला. हाच सामना पाहण्यासाठी राधिका मर्चंट तसेच इतर अंबानी कुटुंबीय आले होते. याच वेळी राधिका मर्चंटच्या हातातील घड्याळ देशभरात चर्चेचा विषय ठरले आहे.
राधिका मर्चंटने आपल्या हातात रिचर्ड मिल नावाचे घड्याळ घातले होते. राधिकाने घातलेले घड्याळ जगातील फक्त दहा लोकांकडे आहे. त्यामुळेच या घड्याळाची किंमत कित्येक कोटी रुपये असल्याचे बोलले जाते.
राधिकाने घातलेल्या घड्याळाचे नाव रिचर्ड मिल आरएम 75-01 फ्लाइंग टूरबिलॉन सफायर असे आहे. या घड्याळाचे केस (घड्याळाचे काटे आणि अन्य साहित्य असलेला घड्याळातील वर्तुळाकार, चौकोनी भाग) तयार करायलाच 40 दिवस लागलेले आहेत. घड्याळाच्या मशिनींगसाठीदेखील 40 दिवस लागल्याचे सांगितले जाते.
दरम्यान, या घड्याळाच किंमत तब्बल 2.25 दशलक्ष डॉलर्स म्हणजेच भारतीय रुपयांत सांगायचे झाल्यास 21 कोटी 39 लाख रुपये आहे. तसं पाहायचं झाल्यास राधिका मर्चंटच्या हातातील घड्याळ्याच्या किमतीत आयपीएलचे अनेक खेळाडू मुंबई इंडियन्स संघाचा भाग होऊ शकतात.
