कोण होती अमिताभ बच्चन यांची पहिली गर्लफ्रेंड? जिला सून बनविण्यासाठी कुटुंबिय देखील होते तयार, सौंदर्य पाहून…
कोण होती अमिताभ बच्चन यांची पहिली गर्लफ्रेंड? जिला अमिताभ बच्चन यांचे कुटुंब सून बनविण्यासाठी होते तयार. तिच्या सौंदर्याची होत होती प्रचंड चर्चा.
बॉलिवूडचे महानायक अमिताभ बच्चन आणि जया बच्चन यांची जोडी आजही हिंदी चित्रपटसृष्टीतील सर्वात आदर्श जोडप्यांपैकी एक मानली जाते. मात्र, जया बच्चन यांच्या आयुष्यात येण्यापूर्वी अमिताभ बच्चन यांच्या आयुष्यात ‘माया’ नावाची एक तरुणी होती, अशी माहिती पुन्हा एकदा चर्चेत आली आहे.
माहितीनुसार, अभिनय क्षेत्रात संघर्ष करत असताना अमिताभ बच्चन यांची ओळख ब्रिटिश एअरवेजमध्ये काम करणाऱ्या माया नावाच्या तरुणीशी झाली होती. त्या काळात अमिताभ कोलकाता आणि मुंबईमध्ये करिअर घडवण्यासाठी प्रयत्न करत होते. दोघांमध्ये जवळीक वाढली आणि त्यांचे नाते गंभीर स्वरूपाचे बनल्याचे सांगितले जाते.
लेखक हनीफ यांनी त्यांच्या AB: The Legend या पुस्तकात या नात्याचा उल्लेख केला आहे. त्यांच्या म्हणण्यानुसार, मुंबईत सुरुवातीच्या काळात अमिताभ हे त्यांच्या आई तेजी बच्चन यांच्या मैत्रिणीच्या बंगल्यात राहत होते. त्या ठिकाणी माया त्यांना भेटण्यासाठी येत असत. असेही सांगितले जाते की, अमिताभ यांचे वडील आणि प्रसिद्ध कवी हरिवंशराय बच्चन यांनाही माया आवडत होती. बच्चन कुटुंबाला वाटत होते की भविष्यात माया हीच त्यांच्या घरची सून बनेल.
मात्र, 1970 च्या दशकाच्या सुरुवातीला अमिताभ बच्चन यांच्या कारकिर्दीला वेग मिळू लागला आणि परिस्थिती बदलत गेली. वाढते काम, व्यस्त दिनक्रम, बदलत्या प्राधान्यक्रमांमुळे आणि काही मतभेदांमुळे हे नाते टिकू शकले नाही. अखेर दोघांचे मार्ग वेगळे झाले.
अमिताभ यांच्यापासून वेगळे झाल्यानंतर माया यांना या विभक्ततेचा मोठा मानसिक धक्का बसल्याचे म्हटले जाते. मात्र त्यांनी कधीही या नात्याबाबत सार्वजनिकपणे चर्चा केली नाही आणि प्रसिद्धीपासून दूर राहण्याचा मार्ग निवडला.
