30 कोटींची मालकीण, तरीही लाज न बाळगता केली गो सेवा, हाथांनी उचलले गाईचे शेण, प्रत्येकजण करतोय कौतुक
30 कोटींची मालकीण, पण स्वभाव इतका साधा की थेट श्री श्री रविशंकर आश्रमात पोहोचताच केली गो सेवा. कोणतीही लाज न बाळगता थेट उचलले शेण. चाहते करत आहेत कौतुक.
टीव्ही अभिनेत्री अंकिता लोखंडे आणि तिचा पती विक्की जैन हे सध्या पुन्हा एकदा चर्चेत आले आहेत. ‘Laughter Chefs 3’ या शोमधून प्रेक्षकांचे मनोरंजन करणारी ही लोकप्रिय जोडी नुकतीच बेंगळुरूमधील आध्यात्मिक गुरु Sri Sri Ravi Shankar यांच्या गौशाळेत पोहोचली होती.
येथे त्यांनी मनापासून गोसेवा करत साधेपणाचा अनोखा संदेश दिला. या सेलिब्रिटी कपलचा गौशाळेतील व्हिडिओ सोशल मीडियावर समोर आल्यानंतर तो प्रचंड व्हायरल झाला आहे. चाहत्यांकडूनही या दोघांचं भरभरून कौतुक केलं जात आहे.
व्हायरल होत असलेल्या व्हिडिओमध्ये अंकिता आणि विक्की हे दोघे मिळून गायींना चारा चारताना दिसत आहेत. विशेष म्हणजे, त्यांनी कोणत्याही सेलिब्रिटीसारखा दिखावा न करता अगदी सामान्य व्यक्तींप्रमाणे गोसेवा केली.
अंकिताने तिच्या इंस्टाग्राम स्टोरीवर काही खास क्षण शेअर केले आहेत. या व्हिडिओमध्ये अंकिता आणि विक्की गौशाळेतील शेण साफ करतानाही दिसून आले.
विशेष बाब म्हणजे, अंकिता गोबर उचलताना तिच्या चेहऱ्यावर कोणतीही लाज किंवा संकोच नव्हता. उलट ती हे काम आनंदाने आणि मनापासून करत असल्याचं स्पष्ट दिसत होतं.
अंकिताचा हा साधेपणा आणि जमिनीशी जोडलेला स्वभाव चाहत्यांना खूपच भावला आहे. सोशल मीडियावर अनेक युजर्स तिचं कौतुक करताना दिसत आहेत. काहींनी “खऱ्या अर्थाने संस्कार जपणारी अभिनेत्री” अशी प्रतिक्रिया दिली तर काहींनी “सेलिब्रिटी असूनही इतकी साधी राहणं ही मोठी गोष्ट आहे, असं म्हटलं आहे.
