बॉलिवूडचा सर्वात मोठा फ्लॉप चित्रपट देणारा अभिनेता, ज्याला इंडस्ट्रीमध्ये येण्याआधीच करावा लागला दुखाचा सामना
बॉलिवूडचा सर्वात मोठा फ्लॉप चित्रपट देणारा अभिनेता, ज्याला सिनेसृष्टीत पदार्पण करण्याआधीच करावा लागला होता दुखाचा सामना. वयाच्या 41 व्या वर्षी देखील आहे सिंगल.
बॉलिवूड अभिनेता अर्जुन कपूर आपला 41 वा वाढदिवस साजरा करत आहे. निर्माता बोनी कपूर यांचा मुलगा आणि कपूर घराण्याचा वारसदार असूनही अर्जुनचा बॉलिवूडमधील प्रवास अजिबात सोपा नव्हता. स्टार किड असल्याचा फायदा मिळाला, पण स्वतःची वेगळी ओळख निर्माण करण्यासाठी त्याला अनेक चढ-उतारांचा सामना करावा लागला.
अर्जुन कपूरचे वजन एकेकाळी सुमारे 140 किलो होते. त्यामुळे अभिनेता होण्याचा विचारही त्याने केला नव्हता. त्याने सुरुवातीला कल हो ना हो आणि नो एंट्री या चित्रपटांमध्ये सहाय्यक दिग्दर्शक म्हणून काम केले. अभिनेता सलमान खानच्या मार्गदर्शनामुळे त्याने वजन कमी करून अभिनय क्षेत्रात प्रवेश करण्याचा निर्णय घेतला.
2012 मध्ये 'इशकजादे' या चित्रपटातून परिणीती चोप्रासोबत त्याने अभिनयात पदार्पण केले. पहिल्याच चित्रपटातील 'परमा' ही त्याची भूमिका प्रेक्षकांना भावली आणि त्याच्या अभिनयाचे मोठे कौतुक झाले. मात्र, या चित्रपटाच्या प्रदर्शनापूर्वीच त्याच्या आई मोना शौरी कपूर यांचे निधन झाले. या वैयक्तिक धक्क्यानंतरही अर्जुनने स्वतःला सावरत करिअर सुरू ठेवले.
यानंतर 2 स्टेट्स, गुंडे, की अँड का, मुबारकां आणि संदीप और पिंकी फरार यांसारख्या चित्रपटांतून त्याने विविध भूमिका साकारल्या. विशेषतः '2 स्टेट्स' हा त्याच्या कारकिर्दीतील सर्वात मोठ्या यशस्वी चित्रपटांपैकी एक ठरला.
मात्र, सुरुवातीच्या यशानंतर त्याच्या अनेक चित्रपटांना बॉक्स ऑफिसवर अपेक्षित यश मिळाले नाही. विशेषतः द लेडी किलर हा त्याच्या कारकिर्दीतील सर्वात मोठ्या अपयशी चित्रपटांपैकी एक ठरला.
