Anshula Kapoor Wedding : महालासमोर रात्री 1.15 वाजता मागणी घालणाऱ्या कपूर कुटुंबातील मुलीच्या लग्न विधीचे फोटो
Anshula Kapoor Wedding : बोनी कपूरची मुलगी अंशुला कपूर लवकरच विवाहबद्ध होणार आहे. लग्नाचं प्री-वेडिंग फंक्शन सुरु झालं आहे. त्याचे फोटो समोर आले आहेत. यात सगळं कपूर कुटुंब आनंदात दिसतय.
Anshula Kapoor Rohan Thakkar Wedding : बोनी कूपर यांची लाडकी लेक अंशुला कपूर आणि रोहन ठक्कर यांचं लग्न होणार आहे. लग्नाला आता काही दिवसच शिल्लक राहिले आहेत. प्री-वेडिंग फंक्शन सुरु झालय. या खास इवेंटमध्ये अर्जुन कपूर, शनाया कपूर आणि जान्हवी कपूर सह कुटुंबातील सदस्य सहभागी झाले होते. अंशुला कपूरचे प्री-वेडिंग फंक्शनचे फोटो व्हायरल झाले आहेत.
अंशुला कपूर रोहन ठक्करसोबत 6 जुलै 2026 रोजी विवाहबद्ध होणार आहे. तिच्या घरी लग्नाचे विधी आणि पूजा सुरु झाली आहे. कपूर कुटुंबाची दुसरी लाडकी लेक शनाया कपूरने अंशुला कपूरच्या प्री-वेडिंग फंक्शनची झलक दाखवली.
लग्नाच्या तयारी प्रसंगी सगळं कपूर कुटुंब एकत्र दिसलं. अंशुला कपूर आणि रोहन ठक्करची ओवाळणी करण्यात आली. यावेळी सगळं कपूर कुटुंब तिथे होतं. अंशुलाचा भाऊ अर्जुन कपूर यावेळी लाल रंगाच्या ट्रेडिशनल आउटफिटमध्ये दिसला.
ऑक्टोंबर 2025 मध्ये अंशुला कपूर आणि रोहन ठक्करचा साखरपुडा झाला होता. दोघांची पहिली भेट 2022 साली डेटिंग APP च्या माध्यमातून झाली. डेटिंगनंतर 2025 साली रोहन ठक्करने अंशुलाला तिच्या आवडत्या शहरात एका महालासमोर रात्री 1.15 मिनिटांनी लग्नासाठी प्रपोज केलं होतं.
अंशुलाच्या सावत्र बहिणी जान्हवी कपूर आणि खुशी कपूरही या कार्यक्रमात एकत्र दिसल्या. लग्नाच्या या विधीमध्ये महीप कपूर, सुनीता कपूर आणि संजय कपूर सगळे ट्रेडिशनल आउटफिटमध्ये दिसले. सगळ्यांनी एकत्र फोटो काढला.
