NCP Merger : आताच का बोलले, तेव्हा कोणाचा दबाव होता? सुनील तटकरेंच्या विधानावर अनिल देशमुखांचा थेट सवाल

खासदार सुनील तटकरे यांनी नुकतेच केलेल्या एका विधानामुळे राष्ट्रवादी काँग्रेसच्या संभाव्य विलिनीकरणाच्या चर्चांना पुन्हा एकदा तोंड फुटले आहे. अजित पवार असते तर दोन्ही राष्ट्रवादी एकत्र दिसल्या असत्या आणि 12 फेब्रुवारी रोजी विलिनीकरण निश्चित झाले असते, असे मोठे वक्तव्य तटकरे यांनी केले आहे. अजित पवारांच्या निधनानंतर दहा महिन्यांनी तटकरे यांनी हे भाष्य केल्याने अनेकांच्या भुवया उंचावल्या आहेत.

या विधानावर राष्ट्रवादी काँग्रेस (शरदचंद्र पवार गट) पक्षाचे नेते अनिल देशमुख आणि रोहित पवार यांनी तीव्र आक्षेप घेतला आहे. अनिल देशमुख यांनी तटकरेंना थेट सवाल केला आहे की, “आताच का बोलले, तेव्हा कोणाचा दबाव होता?” दोन वर्षांपूर्वी विलिनीकरणाच्या चर्चा नाकारणाऱ्या तटकरे यांनी आता भूमिका का बदलली, असा प्रश्न देशमुख यांनी उपस्थित केला आहे. रोहित पवार यांनीही, “दादांच्या निधनानंतर विलिनीकरणासंदर्भात खोटे का बोलतात?” असे विचारत तटकरेंच्या वक्तव्यावर शंका व्यक्त केली आहे. शरद पवार सध्या रुग्णालयात उपचार घेत असताना आणि प्रफुल्ल पटेल यांनी त्यांची भेट घेतल्यानंतर हे वक्तव्य आल्याने त्याला विशेष महत्त्व प्राप्त झाले आहे.