Happy Birthday Sudesh Lehri | कधीकाळी चहाच्या टपरीवर काम करायचा सुदेश लहरी, मेहनतीच्या जोरावर बनलाय कॉमेडीचा बादशहा!
सुदेश लहरी (Happy Birthday Sudesh lehri) हा एक प्रसिद्ध विनोदी कलाकार आणि टीव्ही कलाकार आहे. तो विशेषतः पंजाबी चित्रपट आणि कॉमेडी शोमध्ये झळकतो. सुदेश लहरी यांचा जन्म 27 ऑक्टोबर 1964 रोजी पंजाबमधील जालंधर येथे झाला.
सुदेश लहरी (Happy Birthday Sudesh lehri) हा एक प्रसिद्ध विनोदी कलाकार आणि टीव्ही कलाकार आहे. तो विशेषतः पंजाबी चित्रपट आणि कॉमेडी शोमध्ये झळकतो. सुदेश लहरी यांचा जन्म 27 ऑक्टोबर 1964 रोजी पंजाबमधील जालंधर येथे झाला. त्यांनी पंजाबमधील जालंधर येथून सुरुवातीचे शिक्षण पूर्ण केले आहे. चला कॉमेडी किंगबद्दल काही रंजक गोष्टी जाणून घेऊया...
सुदेशचा चहा विकणारा मुलगा ते कॉमेडीचा बादशाह असा प्रवास सोपा नव्हता. हे स्थान मिळवण्यासाठी त्यांनी खूप प्रयत्न केले आहेत. सुदेश लहानपणी जीवनावश्यक गोष्टींसाठी देखील झगडत राहिले. त्यांनी चहाच्या दुकानात कामही केले. ते आयुष्यात कधीच शाळेत गेले नाहीत.
प्रत्येक माणसामध्ये प्रतिभा असते. फक्त ते परिष्कृत करून एका चांगल्या व्यासपीठावर नेण्याची गरज आहे. सुदेशने आपल्या प्रतिभेच्या जोरावर सर्वांची मने जिंकली आहेत. सुदेश लहरीने आपल्या करिअरची सुरुवात ‘द ग्रेट इंडियन लाफ्टर चॅलेंज’मधून केली. ‘कॉमेडी सर्कस’ आणि ‘कॉमेडी क्लासेस’मधून त्यांना छोट्या पडद्यावर ओळख मिळाली.
यानंतर त्यांनी अनेक पंजाबी चित्रपटांमध्ये सहाय्यक कलाकार म्हणून काम केले. आपल्या बालपणीच्या दिवसांची आठवण करून देताना सुदेश म्हणतात, “मी अमृतसरमध्ये रामलीला आणि लग्नसोहळ्यात गायचो, तेव्हा टाळ्यांच्या कडकडाटाने मला प्रोत्साहन मिळायचे.”
आकाशवाणी आणि दूरदर्शनच्या ‘पटरी’ या कार्यक्रमातून सुदेशला लोकप्रियता मिळाली. त्यानंतर त्यांनी कधीच मागे वळून पाहिले नाही. त्यांनी सलमान खानसोबत ‘रेडी’, ‘जय हो’मध्ये काम केले आहे. याशिवाय ते ‘टोटल धमाल’, ‘मुन्ना मायकल’, ‘ग्रेट ग्रँड मस्ती’ यांसारख्या चित्रपटांमध्ये दिसले आहेत.
