मुग्धा वैशंपायन-प्रथमेश लघाटे यांनी केलं देवदर्शन, कारण आहे प्रचंड खास…
आपल्या गोड आवाजाने श्रोत्यांना मंत्रमुग्ध करणारी लोकप्रिय जोडी मुग्धा वैशंपायन आणि प्रथमेश लघाटे गेल्या काही दिवसांपासून त्यांच्या खासगी आयुष्यामुळे चर्चेत आहे. आता दोघांनी देवदर्शनाचे फोटो पोस्ट केले आहेत.
सध्या सर्वत्र फक्त आणि फक्त मुग्धा वैशंपायन आणि प्रथमेश लघाटे यांची चर्चा रंगली आहे. दोघे कायम सोशल मीडियावर फोटो आणि व्हिडीओ पोस्ट करत असतात.
नुकतंच मुग्धा व प्रथमेशने देवदर्शन केलं. यामागचं कारण देखील खास होतं. दोघांच्या लग्नाला तीन महिने पूर्ण झाल्यामुळे दोघांनी 23 मार्चला देवदर्शन घेतलं.
मुग्धा - प्रथमेशने विजयादुर्गा देवीचं आणि माणगावातील श्री दत्त मंदिरात जाऊन दत्त महाराजांचं, श्रीमद् परमहंस परिव्राजकाचार्य वासुदेवानंद सरस्वती टेंबे स्वामी महाराजांचं दर्शन घेतलं.
मुग्धा - प्रथमेश यांचे फोटो सोशल मीडियावर तुफान व्हायरल होत आहेत. चाहते देखील दोघांच्या फोटोंवर लाईक्स आणि कमेंटचा वर्षाव करत आहेत.
‘लिटिल चॅम्प्स’च्या मंचावर झालेली प्रथमेश-मुग्धा यांची पहिली ओळख लग्नापर्यंत पोहोचली. डिसेंबर 2023 मध्ये प्रथमेश लघाटे आणि मुग्धा वैशंपायन यांचं लग्न झालं.
