गरीबांच्या आलिया भट्टने विकत घेतला अक्षय कुमारचा फ्लॅट; पहा फोटो
चांदनीच्या मिमिक्रीच्या व्हिडीओवर खुद्द आलिया भट्टनेही प्रतिक्रिया दिली होती. त्यामुळे अल्पावधीतच सोशल मीडियावर तिचा मोठा चाहतावर्ग निर्माण झाला. हुबेहूब आलियाची नक्कल करणाऱ्या चांदनीने सोशल मीडियाद्वारे बराच पैसा कमावला आहे.
सोशल मीडियाने अनेकांचं नशीब रातोरात पालटलं आहे. या माध्यमातून अनेक इन्फ्लुएन्सर्स आणि कंटेंट क्रिएटर्स लाखोंची कमाई करत आहेत. नेटकऱ्यांच्या प्रतिभेला केवळ व्यासपीठच मिळत नाही, तर त्यातून पैसेही चांगले कमावता येत आहेत. प्रसिद्ध सेलिब्रिटींची नक्कल करून सोशल मीडियावर चर्चेत आलेली अशीच एक कंटेट क्रिएटर म्हणजे चांदनी भाभडा.
अभिनेत्री आलिया भट्टची हुबेहूब नक्कल करून चांदनीला सोशल मीडियावर तुफान प्रसिद्धी मिळाली. सोशल मीडियाद्वारे तिने बराच पैसा कमावला असून आता मुंबईतील अंधेरी परिसरात तिने स्वत:चं घर विकत घेतलं आहे.
चांदनीने वयाची पंचविशी गाठण्याआधीच आयुष्यातील हा मोठा टप्पा गाठला आहे. विशेष म्हणजे तिने अंधेरीतील अभिनेता अक्षय कुमारचा फ्लॅट विकत घेतल्याचं कळतंय. या फ्लॅटच्या गृहप्रवेशाचे फोटो तिने सोशल मीडियावर पोस्ट केले आहेत.
चांदनी अनेकदा आलिया भट्टचे लाइव्ह व्हिडीओ किंवा तिच्या मेकअप टुटोरियलचे व्हिडीओ कॉपी करून तिची हुबेहूब नक्कल करायची. तिचा आवाज आणि हावभाव अगदी आलिया भट्टसारखेच असल्याने तिला अल्पावधीतच प्रसिद्धी मिळाली.
22 वर्षीय चांदनी ही कायद्याचं शिक्षण घेत असून तिला नक्कल करायची खूप आवड आहे. याच आवडीमुळे तिला सोशल मीडियावर प्रचंड लोकप्रियता मिळाली आहे. चांदनीने सोशल मीडियावर एक व्हिडीओ पोस्ट केला होता. ज्यामध्ये ती आलिया भट्टच्या आवाजात पिझ्झा ऑर्डर करताना दिसली. तिचा हा व्हिडीओ तुफान व्हायरल झाला आणि त्यामुळेच ती प्रकाशझोतात आली.
