Cricketers Jersey Number : सचिनचा 10, युवराजचा 12 अन् धोनीचा 7; आवडत्या क्रिकेटपटूंच्या जर्सी नंबरमागचं रहस्य काय? जाणून घ्या एका क्लीकमध्ये
क्रिकेटपटूंच्या जर्सीवरील नंबर केवळ त्यांची ओळख नसतात, तर त्यामागे कारणं दडलेली असतात. सचिन तेंडुलकरचा १०, महेंद्रसिंग धोनीचा ७, विराट कोहलीचा १८ आणि रोहित शर्माचा ४५ हा जर्सी क्रमांक कसा ठरला? युवराज सिंग, राहुल द्रविड आणि वीरेंद्र सेहवाग यांनी आपापले नंबर का निवडले? जाणून घेऊया क्रिकेटपटूंच्या जर्सी क्रमांकांमागचे रंजक किस्से.

क्रिकेटमध्ये खेळाडूंच्या जर्सीवरील क्रमांक केवळ ओळखीसाठी नसतात. अनेक क्रिकेटपटूंसाठी, त्या क्रमांकांशी खास आठवणी, वाढदिवस किंवा नशिबाशी निगडित कथा जोडलेल्या असतात.
सचिन तेंडुलकरपासून ते महेंद्रसिंग धोनी आणि विराट कोहलीपर्यंत, प्रत्येक खेळाडूने आपला जर्सी क्रमांक निवडण्यामागे वेगवेगळे कारण सांगितले आहे.
क्रिकेटपटूंच्या जर्सीवर लिहिलेल्या आकड्यांमागे अनेकदा खास कथा दडलेल्या असतात. काही खेळाडू त्यांच्या वाढदिवसामुळे विशिष्ट क्रमांक निवडतात, तर काही जण त्यांच्या अविस्मरणीय यशामुळे तो क्रमांक निवडतात.
क्रिकेटचा महान खेळाडू सचिन तेंडुलकर १० क्रमांकाची जर्सी घालत असे. एका मुलाखतीत त्याने सांगितले की, त्याच्या आडनावात 'टेन' (ten) हा शब्द असल्यामुळे त्याने हा क्रमांक निवडला.
विराट कोहली १८ क्रमांकाची जर्सी घालतो. अंडर-१९ संघाकडून खेळताना त्याला हा क्रमांक मिळाला. त्याने याच क्रमांकावर अंडर-१९ विश्वचषक जिंकला, त्यामुळे तो त्या संघात सामील झाला.
राहुल द्रविड सुरुवातीला ५ नंबरची जर्सी घालत होता, पण नंतर त्याने १९ नंबर स्वीकारला. तो हा नंबर खास आणि भाग्यवान मानतो, कारण त्याच्या पत्नीचा वाढदिवस १९ तारखेला असतो.
युवराज सिंगचा जर्सी क्रमांक १२ होता. त्याचा जन्म १२ डिसेंबर १९८१ रोजी दुपारी १२ वाजता चंदीगडच्या सेक्टर १२ मध्ये झाला. या योगायोगामुळे त्याने १२ हा क्रमांक निवडला.
महेंद्रसिंग धोनीच्या जर्सी क्रमांक ७ मागील मुख्य कारण म्हणजे त्याचा वाढदिवस. त्याचा जन्म ७ जुलै रोजी झाला होता. याशिवाय, त्याचा आवडता फुटबॉलपटू ख्रिस्तियानो रोनाल्डो देखील ७ क्रमांकाची जर्सी घालतो.
रोहित शर्मा ४५ क्रमांकाची जर्सी घालतो. त्याचा पसंतीचा क्रमांक ९ होता, पण तो क्रमांक आधीच दुसऱ्या खेळाडूने घेतल्यामुळे त्याने आईच्या सल्ल्यानुसार ४५ हा क्रमांक निवडला. ४ आणि ५ यांची बेरीज सुद्धा ९ येते.
वीरेंद्र सेहवाग सुरुवातीला ४४ क्रमांकाची जर्सी घालत असे. मात्र, यश न मिळाल्याने त्याने एका ज्योतिषाच्या सल्ल्यानुसार ४६ हा क्रमांक स्वीकारला. नंतर, त्याने जर्सीवर क्रमांक न लिहिता खेळण्याचा निर्णय घेतला.