Defense Share : बाजाराला भीतीचे डोहाळे; कोण लावणार या शेअरवर डाव? 40 टक्के रिटर्नचा मोठा दावा
Defense Share Returns: मध्य-पूर्वेतील ताण-तणावाचा मोठा परिणाम झाला आहे. त्याचा भारतीय शेअर बाजाराला मोठा फटका बसला आहे. गुंतवणूकदारांचे मोठे नुकसान झाले आहे. या बाजारात या डिफेन्स शेअरवर अनेक जण फिदा झाले आहेत. हा शेअर 40 टक्के रिटर्नचा मोठा दावा करण्यात येत आहे.
मध्य-पूर्वेतील संघर्षाचा मोठा परिणाम भारतीय बाजारावर दिसून येत आहे. शुक्रवारी शेअर बाजार मोठी घसरण दिसली. त्यापूर्वी घसरणीच्या अनेक सत्रांनी गुंतवणूकदारांच्या पदरात घोर निराशा टाकली. बीएसई सेन्सेक्स आणि एनएसई निफ्टी 50 लाल रंगात न्हाऊन निघाले.
अनिश्चिततेच्या वातावरणात ब्रोकरेज हाऊसच्या नजरेत काही स्टॉक भरले आहेत. सध्याची परिस्थिती पाहता ब्रोकरेज हाऊस सावधगिरीने गुंतवणुकीचा सल्ला देत आहे. त्यातही संरक्षण क्षेत्रातील या स्टॉकडे ब्रोकरेज हाऊसचे लक्ष लागले आहे. जागतिक ब्रोकरेज फर्म गोल्डमॅन सॅक्सने या कंपनीवर फोकस ठेवला आहे.
Azad Engineering Stock कडे गोल्डमॅन सॅक्सने गुंतवणूकदारांचे लक्ष वेधले आहे. सध्याची परिस्थिती पाहता हा स्टॉक्स येत्या काही दिवसात कमाल दाखवण्याची शक्यता वर्तवली जात आहे. फर्मने आवडत्या स्टॉक्समध्ये या शेअरला स्थान दिले आहे.
गोल्डमॅन स्टॉक्सने आझाद इंजिनिअरिंगच्या स्टॉक खरेदीचा सल्ला दिला आहे. त्यासाठी रेटिंग दिले आहे. फर्मने या शेअरसाठी 2,200 रुपयांची टार्गेट प्राईस निश्चित केली आहे. सध्या या स्टॉकच्या किंमतीपेक्षा हा जवळपास 40 टक्क्यांनी उसळी घेण्याची शक्यता आहे.
बीएसईवर शुक्रवारी, 27 मार्च रोजी व्यापारी सत्रात कंपनीच्या शेअरमध्ये तेजी दिसून आली. कंपनीचा शेअर 0.89 टक्के वा 13.05 रुपयांनी उसळला. हा शेअर शुक्रवारी 1484.40 रुपयांवर बंद झाला. या शेअरचा इंट्रा डे उच्चांकी कामगिरी 1600 रुपये इतकी आहे. कंपनीचे मार्केट कॅप 9,586.51 कोटी रुपये आहे.
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
