Marathi News Photo gallery Dhoom golmal actress Rimi Sen Reacts To Plastic Surgery Rumours Got Fillers Botox PRP Treatment Done
‘धूम’ फेम अभिनेत्रीचं ट्रान्सफॉर्मेशन पाहून चाहते थक्क! प्लास्टिक सर्जरीबाबत म्हणाली..
अभिनेत्री रिमी सेनने बॉलिवूडचा एक काळ गाजवला आणि त्यानंतर ती चित्रपटांपासून दूरच गेली. आता पुन्हा एकदा रिमी सोशल मीडियावर चर्चेत आली आहे. तिचा बदललेला लूक पाहून नेटकऱ्यांनी आश्चर्य व्यक्त केलं आहे. तिने प्लास्टिक सर्जरी करून चेहरा खराब केला, अशी टीका केली जातेय.
स्वाती वेमूल |
Updated on: Aug 06, 2024 | 10:50 AM
Share
'धूम', 'गोलमाल' यांसारख्या चित्रपटांमध्ये झळकलेली अभिनेत्री रिमी सेन गेल्या अनेक वर्षांपासून बॉलिवूडपासून दूर आहे. मात्र 'रेडीट'वरील एका पोस्टमुळे ती पुन्हा एकदा सोशल मीडियावर चर्चेत आली आहे. रिमी सेनचे नवीन फोटो शेअर करत एका युजरने असा दावा केला की तिने प्लास्टिक सर्जरी केली आहे. या चर्चांवर अखेर रिमीने मौन सोडलं आहे.
1 / 5
'एचटी सिटी'ला दिलेल्या मुलाखतीत रिमी चर्चांवर हसत म्हणाली, "जर लोकांना असं वाटतंय की मी प्लास्टिक सर्जरी केली आहे, तर ठीक आहे. माझ्यासाठी ही चांगलीच गोष्ट आहे. प्लास्टिक सर्जरी न करताच लोक म्हणतायत की केली आहे. मी फक्त फिलर्स, बोटॉक्स, पीआरपी ट्रिटमेंट घेतली आहे. याशिवाय काहीच केलेलं नाही."
2 / 5
रिमी सेन आता 42 वर्षांची असून तिने 'धूम', 'गोलमाल- फन अनलिमिटेड', 'जॉनी गद्दार' यांसारख्या चित्रपटांमध्ये काम केलंय. "तुम्ही जर कोणता गुन्हा केला नसेल, ज्यामुळे तुम्हाला तोंड लपवून फिरण्याची गरज नसेल, तर एखाद्याने प्लास्टिक सर्जरी करू नये. देशात खूप चांगले डॉक्टर्स आहेत, जे फेसलिफ्ट्सचं काम खूप चांगल्या पद्धतीने करतात", असं ती पुढे म्हणाली.
3 / 5
"मलासुद्धा फेस लिफ्टिंग ट्रिटमेंट करायची होती पण कदाचित मी वयाची पन्नाशी ओलांडल्यानंतर त्याचा विचार करेन. सध्या इतर गोष्टींनी काम चालून जातंय. सध्या मी दोन डॉक्टरांचा याबाबतीत सल्ला घेते. चांगलं दिसण्यासाठी ते माझी खूप मदत करतात", असं रिमीने स्पष्ट केलं.
4 / 5
याविषयी रिमी पुढे म्हणाली, "कदाचित लोकांना फोटोमध्ये माझी त्वचा चांगली वाटत असेल. फिलर्स, बोटॉक्स किंवा पीआरपी ट्रिटमेंट आणि खाण्यापिण्याच्या चांगल्या सवयीने कोणीही चांगलं दिसू शकतं. पण हे सगळं करणं वाईट असल्याचं तुम्ही म्हणत असाल तर ते बरोबर कसं करायचं हे तुम्हीच सांगा. मी माझ्या डॉक्टरांना तसं सांगेन."
