साप स्वत:च्याच पिलांना भयानक पद्धतीने मारतो, अंडी खरंच खाऊन घेतो? वाचा सत्य काय?
काही खास प्रजातींमध्येच हा प्रकार आढळून येतो. पिलांना जन्माला घालताना मादा सापाची उर्जा खर्च होते. हीच उर्जा परत मिळवण्यासाठी काही सापांच्या प्रजातीमध्ये मादा साप कमजोर अंडे खाऊन टाकतात.
साप हा विषारी सरपटणारा प्राणी आहे. साप समोर दिसला की अनेकजण घाबरतात. याच भीतीपोटी काही लोक सापाला मारूनही टाकतात. सापांबाबत सामान्य लोकांमध्ये अनेक गैरसमज आहेत.
मादा साप पिलांना जन्म देण्यासाठी दिलेली अंडी खाऊन घेते, असे म्हटले जाते. परंतु सत्य मात्र काहीसे वेगळे आहे. सापातील प्रत्येक प्रजात स्वत:चे अंडे खात नाही. मादा साप मुद्दामहून स्वत: दिलेले अंडे खात नाही.
काही खास प्रजातींमध्येच हा प्रकार आढळून येतो. पिलांना जन्माला घालताना मादा सापाची उर्जा खर्च होते. हीच उर्जा परत मिळवण्यासाठी काही सापांच्या प्रजातीमध्ये मादा साप कमजोर अंडे खाऊन टाकतात. स्वत:ला जिंवत ठेवण्यासाठी मादा साप असे पाऊल उचलू शकतात.
जे अंडे सडलेले आहे किंवा संबंधित अंड्यामधील तत्त्वं खराब झाले असून त्यातून तंदुरुस्त सापाच्या पिलाचा जन्म होणा नाही, असे समजल्यावर साप ते अंडे खाऊ शकतो. जीवाला धोका निर्माण झाल्याचे समजल्यावर काही वेळा साप स्वत:ला वाचवण्यासाठी दिलेले अंडे खाऊन घेऊ शकतो.
काही साप तर दुसऱ्या सापांनाही खाऊन घेतात. यात किंग कोब्राचाही समावेश आहे. काही सापांच्या प्रजाती अंड्यातून बाहेर निघालेल्या सापाच्या पिलांना आपली शिकार समजतात. अशा स्थितीतही सापाच्या पिलांची शिकार होऊ शकते.
