अखेर तेलाचं संकट संपलं, डोनाल्ड ट्रम्प यांनी थेट बंदी उठवली; इराणला सर्वात मोठा दिलासा!
दुसरीकडे हे युद्ध थांबावे यासाठी जागतिक पातळीवर प्रयत्न केले जात आहेत. अमेरिका आणि इराण यांच्यात चर्चा चालू आहे. परंतु कोणताही ठोस तोडगा निघत नसल्याने युद्ध संपुष्टात येण्यासाठी उशीर होत आहे.
अमेरिका आणि इराण यांच्यातील युद्धामुळे संपूर्ण जग हैराण आहे. इराणने होर्मुझची सामुद्रधुनीच बंद केल्यामुळे जगात इंधनटंचाई निर्माण झाली आहे. भारत, पाकिस्तान तसेच अनेक देशांत पेट्रोल, डिझेल, सीएनजीचा भाव वाढत आहे.
दुसरीकडे हे युद्ध थांबावे यासाठी जागतिक पातळीवर प्रयत्न केले जात आहेत. अमेरिका आणि इराण यांच्यात चर्चा चालू आहे. परंतु कोणताही ठोस तोडगा निघत नसल्याने युद्ध संपुष्टात येण्यासाठी उशीर होत आहे.
दरम्यान, एकीकडे दोन्ही देशांचे युद्धसमात्पीवर एकमत होत नसताना दिलासादायक माहिती समोर आली आहे. इराणी मीडियाच्या दाव्यानुसार अमेरिकेने इराणी तेल विक्रीवरील निर्बंध तात्पुरत्या स्वरुपात हटवले आहेत. जागतिक पातळीवरल तेलसंकट कमी करण्यासाठी हा निर्णय घेण्यात आल्याचे बोलले जात आहे.
इराणी मीडियानुसार अमेरिकेने इराणवरील तेल विक्रीबाबतचे काही निर्बंध हटवले आहेत. परंतु हे सर्व निर्बंध हटवले जावेत, यासाठी इराणकडून प्रयत्न केले जात आहेत, असे इराणकडून सांगण्यात आले आहे.
दरम्यान, हे निर्बंध हटवल्याचा दावा फक्त इराणच्या बाजूने झालेला आहे. अमेरिकेने मात्र त्यावर अद्याप कोणतीही प्रतिक्रिया दिलेली नाही. त्यामुळे भविष्यात काय होणार, हे पाहणे महत्त्वाचे ठरणार आहे.
