शिक्षण मंत्री भुसे राजीनामा द्या, TET पेपरफुटी प्रकरणात युवक काँग्रेसचे मुंबईत आंदोलन
टीईटी परीक्षेचा पेपर फुटल्याने राज्यातील शिक्षकांची आज होणारी ( रविवार २८ जून २०२६ ) परीक्षा अनिश्चितकाळासाठी पुढे ढकलण्यात आली आहे. या प्रकरणाचा निषेध करण्यासाठी युवक काँग्रेसने आज मुंबईत निदर्शने करण्यात आली.
टीईटी परीक्षेच्या २४ तास आधी काल पेपर फुटल्याची घटना घडल्याने आज होणारी ( रविवार २८ जून २०२६ ) परीक्षा पुढे ढकल्यात आली आहे. त्याचा निषेध आज काँग्रेसच्या युवा कार्यकर्त्यांनी मंत्रालय परिसरात केला.
टीईटी परीक्षेचा पेपर आधल्या दिवशीच फुटल्याने ही परीक्षा पुढे ढकल्याने मेहनतीने अभ्यास करणाऱ्या लाखो भावी शिक्षकांना फटका बसला आहे. युवक काँग्रसने मंत्रालय परिसरात घोषणाबाजी आणि फलकबाजीचा प्रयत्न केला.
आज युवक काँग्रेसने मंत्रालयासमोरील शालेय शिक्षण मंत्री दादा भुसे यांच्या बंगल्यासमोर स्प्रेचा वापर करुन घोषणा लिहून आंदोलन करण्याचा प्रयत्न केला. यावेळी पोलिसांनी या कार्यकर्त्यांना वेळीच ताब्यात घेतले.
दादा भुसे राजीनामा द्या असे पोस्टर यावेळी मुंबई युवक काँग्रेसच्या अध्यक्षा झीनत शबरीन यांनी फडकवत जोरदार घोषणा बाजी केली.
राज्याचा कारभार जेथून केला जातो त्या अत्यंत संरक्षित असलेल्या मंत्रालयाच्या परिसरात मुंबई युवक काँग्रेसने हे आंदोलन केले. दादा भुसे यांच्या बंगल्यासमोर 'पेपर चोर गद्दीछोड' च्या घोषणा देण्यात आल्या. यावेळी झीनत शबरीन यांच्यासह काँग्रेसच्या कार्यकर्त्यांना पोलिसांनी ताब्यात घेतले.
