नवी दिल्ली : भारत देश सध्या कोरोनाच्या दुसऱ्या लाटेचा सामना करत आहे. या पार्श्वभूमीवर जगभरातून भारताला मदत केली जात आहे. देश विदेशातून लोक मोठ्या प्रमाणात मदत करत आहेत. या पार्श्वभूमीवर सध्या एक 27 वर्षाचा तरुण चांगलाच चर्चेचा विषय ठरतोय. त्याने भारताला तब्बल 7000 कोटी रुपये दान केले आहे. भारताला आतापर्यंत आलेल्या मदतीपैकी ही सर्वात जास्त मदत आहे. या तरुणाची सध्या संपूर्ण भारतभर चर्चा होत आहे.
क्रिप्टोकरन्सी इथेरियमचा फाउंडर तसेच अब्जाधीश विटालिक बटरीन (Vitalik Buterin) या तरुणाने भारताला तब्बल 1 लाख डॉलर एवढी किंमत असणारी क्रिप्टोकरन्सी दान केली आहे. 27 वर्षीय बटरीन याने हे दान इंडिया कोविड क्रिप्टो रिलीफ फंडच्या (India Covid Cypto Relief Fund) माध्यमातून भारताला दिले आहे. इंडिया क्रिप्टो रिलीफ फंडचे संचालक संदीप नेलवाल हे आहेत.
विटालिक या तरुणाची 21 लाख डॉलर एवढी एकूण संपत्ती आहे. यातील 1.3 लाख डॉलर किमतीचे इथेरियम आहे. तर 18 लाख डॉलरचे SHIB, 9200 दशलक्ष डॉलर किमतीचे AKITA तसेच 375 दसलक्ष डॉलर किमतीचे डॉगलेन ही क्रॅप्टोकरन्सी आहे. जगातील सर्वांत श्रीमंत व्यक्तींमध्ये विटालिक यांचा 67 वा नंबर लागतो. भारताला 7 हजार कोटी रुपये दान केल्यानंतर Vitalik Buterin या तरुणाने पुन्हा एका आठवड्यात 2100 कोटी डॉलर एवढी संपत्ती पुन्हा कमावली
बटरीन हे रशियन कॅनेडियन प्रोपग्रामर आहेत. त्यांनी 2015 मध्ये इथेरियम ब्लॉकचेनचा शोध लावला होता. त्यासोबतच त्यांनी बिटक्वॉइन मॅगझीनची सुरुवात केली होती. 2014 मध्ये बटरीनला 73 लाख रुपयांची थाइल फेलोशिप मिळाली होती. या फेलोशिपच्या मदतीने बटरीन या तरुणाने इथेरियम ब्लॉकचेनची निर्मिती केली होती.