‘घरोघरी मातीच्या चुली’ मालिकेत धमाकेदार ट्विस्ट; प्रसिद्ध अभिनेत्रीची होणार एण्ट्री
'घरोघरी मातीच्या चुली' ही मालिका अल्पावधीतच लोकप्रिय झाली. या मालिकेचे भाग दररोज रात्री 10.30 वाजता स्टार प्रवाह वाहिनीवर प्रेक्षकांच्या भेटीला येते. या मालिकेत लवकरच मोठा ट्विस्ट येणार असून नव्या अभिनेत्रीची एण्ट्री होणार आहे.
स्टार प्रवाह वाहिनीवरील ‘घरोघरी मातीच्या चुली’ या लोकप्रिय मालिकेचं कथानक अतिशय महत्त्वाच्या वळणावर येऊन पोहोचलं आहे. रणदिवे कुटुंबाला वेठीस धरणाऱ्या मायाचं खरं रूप समोर आल आहे. त्यानंतर कथानकाला वेगळीच दिशा मिळाली आहे.
जानकी, ऐश्वर्या आणि अवंतिका या तिन्ही सुनांनी आता मायाविरोधात उघडपणे लढा देण्याचा निर्णय घेतला आहे. या संघर्षाला आता कायदेशीर वळण मिळणार आहे. 'घरोघरी मातीच्या चुली' या मालिकेत दमदार कोर्टरूम ट्रॅक सुरू होणार आहे.
मायाच्या बाजूने केस लढवण्यासाठी नामांकित वकील गीतांजली सरंजामेची मालिकेत एण्ट्री होणार आहे. ही भूमिका सुप्रसिद्ध अभिनेत्री स्मिता शेवाळे साकारणार आहे. गीतांजली सरंजामे ही अत्यंत बुद्धिमान, आत्मविश्वासू आणि निष्णात वकील आहे.
गीतांजली सरंजामे प्रत्येक केस अत्यंत शांतपणे आणि अचूकतेने हाताळते. तिच्या कारकिर्दीत तिने एकही केस गमावलेली नाही, त्यामुळे कोर्टात तिची एण्ट्री म्हणजे प्रतिस्पर्ध्यांसाठी मोठं आव्हान असतं.
मायाची केस लढण्यासाठी गीतांजली रणांगणात उतरणार असून, जानकीची बाजू लढवणाऱ्या अवंतिकासोबत तिचा सामना रंगणार आहे. या लढाईत विजय नेमका कुणाचा होणार हे प्रेक्षकांना 'घरोघरी मातीच्या चुली' या मालिकेच्या पुढील भागात पहायला मिळे.
