GK : साप आपल्या शिकारीला किती अंतरावरून पाहू शकतो? उत्तर वाचून चकित व्हाल
Snake Fact : साप पाहताच अनेकांच्या पायाखालची जमीन सरकते. जर विषारी साप चावला तर काही क्षणात मृत्यू होऊ शकतो. आज आपण साप आपल्या शिकारीला किती अंतरावरून पाहू शकतो हे जाणून घेऊयात.
मर्यादित दृष्टी: सापांची पाहण्याची क्षमता तशी खूप कमी असते. ते त्यांच्या डोळ्यांनी स्पष्टपणे केवळ 1 ते 3 मीटर (3 ते 10 फूट) अंतरापर्यंतच पाहू शकतात.
जीभेचा वापर: दृष्टी कमकुवत असल्याने साप शिकार शोधण्यासाठी आपल्या जीभेचा वापर करतात. वारंवार जीभ बाहेर काढून ते हवेतील शिकारीचा गंध ओळखतात.
विशिष्ट सापांची क्षमता: किंग कोबरासारखे काही मोठे साप सामान्य सापांच्या तुलनेत थोडे अधिक अंतरापर्यंत पाहू शकतात. ते साधारणपणे 10 ते 15 मीटरपर्यंत पाहू शकतात.
जमिनीतील कंपन: सापांना बाह्य कान नसले तरी ते जमिनीवर होणारी हलकी कंपने त्वरित ओळखतात. यामुळे एखादा प्राणी किंवा माणूस जवळ येत असल्यास त्यांना लगेच समजते.
उष्णता ओळखणारे सेन्सर: अजगर आणि पिट वायपरसारख्या काही सापांच्या डोक्यावर विशेष सेन्सर असतात. यामुळे ते अंधारातही शिकारीच्या शरीरातून बाहेर पडणारी उष्णता ओळखून त्यावर हल्ला करू शकतात. याचाच अर्थ साप शिकार करण्यासाठी दृष्टीवर अवलंबून न राहता गंध, कंपन आणि उष्णता या ज्ञानेंद्रियांच्या मदतीने शिकार शोधतात.
