Gold Rate : सोनं दणक्यात आपटलं, एकाच दिवसात भाव प्रचंड घसरला; आता एक तोळा सोन मिळतंय फक्त…
युद्धामुळे सोन्याचा भाव वाढण्याऐवजी कमी होताना दिसत आहे. आता पुन्हा एकदा सोन्याचा भाव कमी झाला आहे. सोन्यात एकाच दिवसात मोठी घसरण झाली आहे. त्यामुळे सामान्यांमध्ये आनंद व्यक्त केला जातोय.
अमेरिका-इस्त्रायल आणि इराण यांच्यातील युद्धामुळे जागतिक पातळीवर अस्थिरतेचे वातावरण आहे. याच युद्धाचा परिणाम आता सोने-चांदीच्या भावावारही पडत आहे. युद्धानंतर सोन्याचा भाव वाढण्याऐवजी कमी होताना दिसत आहे.
जगात युद्ध सुरू झाले की सोने आणि चांदीचा भाव वाढतो. लोक सुरक्षित ठिकाणी पैसे गुंतवतात. सोने आणि चांदी तुलनेने सुरक्षित गुंतवणूक मानली जाते. परंतु आता युद्धात सोन्याचा भाव वाढण्याऐवजी कमी होताना दिसतोय.
आजदेखील (19 मार्च) सोन्याचा भाव चांगलाच घसरला आहे. इंडिया बुलियन अँड ज्वेलर्स असोशिएनशननुसार 24 कॅरेट सोन्याचा भाव 151,637 रुपये प्रति 10 ग्रॅमपर्यंत कमी झाल आहे. बुधवारी हाच भाव 1,54,879 रुपये प्रति 10 ग्रॅम एवढा होता.
म्हणजेच बुधवारच्या तुलनेत गुरुवारी सोन्याचा भाव तब्बल 3242 रुपयांनी घसरला आहे. 22 कॅरेट सोन्याचा भावदेखील 3,229 रुपयांनी घसरला आहे. बुधवारी 22 कॅरेट सोन्याचा भाव 1,54,259 रुपये प्रति 10 ग्रॅम होता. आता हाच भाव 1,51,030 रुपये प्रति 10 ग्रॅम होता.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
