Govinda: गोविंदा करणार दुसरे लग्न? कुटुंबातील व्यक्तीने दिली मोठी अपडेट
Govinda: काही दिवसांपूर्वी गोविंदाची पत्नी सुनीता अहूजाने मोठा दावा केला होता. गोविंदा दुसरे लग्न करणार असल्याचे तिने म्हटले होते. आता यावर गोविंदाच्या कुटुंबातील जवळच्या व्यक्तीने मोठा खुलासा केला आहे.
गोविंदा आणि सुनीता यांच्यातील वाद संपण्याऐवजी वाढतच चालला आहे. या सगळ्यात आता त्यांच्या कुटुंबातील व्यक्तींच्या देखील प्रतिक्रिया येऊ लागल्या आहेत. गोविंदाची भाची आरती सिंह, भाचा कृष्णा अभिषेक यांनी म्हटले की हे कुटुंबाचे वैयक्तिक प्रकरण आहे आणि इतरांनी यापासून दूर राहावे. आता गोविंदा आणि सुनीता यांची सून म्हणजेच कश्मीरा शाहने प्रतिक्रिया देत मोठा खुलासा केला आहे.
खरेतर, कश्मीराला अलीकडेच एका कार्यक्रमामध्ये दिसली होती. या कार्यक्रमात तिला गोविंदा आणि सुनीताबाबत प्रश्न विचारण्यात आला, तेव्हा ती म्हणाली, ‘मी माझे कुटुंब सुरक्षित ठेवेन आणि मी माझ्या कुटुंबातील महिलांसोबत कायम आहे. तुम्हाला जे लिहायचे असेल किंवा समजायचे असेल तर हे समजा, मी सुनीतासोबत आहे.’
कश्मीरा पुढे म्हणाली की, ‘आजपर्यंत त्यांनी (सुनीताने) कधी आवाज उठवला आहे का? कधी म्हटले आहे का की हे चुकीचे आहे ते चुकीचे आहे? नाही ना... आता जर त्या बोलत आहेत तर काहीतरी चुकीचे असेल. बघा.’
काही दिवसांपूर्वी सुनीताने गोविंदा घटस्फोट देण्यासाठी केलेला अर्ज मागे घेतला आहे. त्यानंतर सुनीताने राखी सावंतशी फोनवर बोलताना सांगितले होते की तिने अर्ज मागे घेतला आहे कारण त्यांना कळले होते की गोविंदा, कोमलशी लग्न करणार आहेत. मात्र गोविंदाच्या मॅनेजरने हे दावे चुकीचे असल्याचे सांगितले. त्याआधी जेव्हा गोविंदा आणि कोमल यांना एकत्र विमानतळावर स्पॉट करण्यात आले होते, तेव्हा सुनीताने म्हटले होते की लाज वाटायला हवी. मुलीच्या वयाच्या मुलीसोबत फिरता. काहीतरी स्टँडर्ड तरी असावा. असे उघडउघड फिरत आहात.
त्यानंतर गोविंदाचा एक व्हिडीओ समोर आला ज्यात तो बोलला की सुनीताने काहीही चुकीचे बोलू नये. त्यांना कोणाबद्दलही असे चुकीचे बोलण्याचा हक्क नाही. शिवाय गोविंदाने सुनीताला वॉर्निंग दिली होती की पुढे जाऊन पुन्हा असे करू नका.
