Govinda Wife Sunita Ahuja: गोविंदा नाही तर वन नाईट स्टँडसाठी हा सुपरस्टार हवा, सुनिता अहुजाच्या विधानाने खळबळ
Govinda Wife Sunita Ahuja: गेल्या काही दिवसांपासून बॉलिवूड अभिनेता गोविंदाची पत्नी सुनिता अहुजा ही चांगलीच चर्चेत आहे. नुकताच एका मुलाखतीमध्ये तिने केलेल्या विधानाने सर्वत्र खळबळ माजली आहे. आता ती नेमकं काय म्हणाली वाचा...
एकेकाळी बॉलिवूडवर अधिराज्य गाजवणारा अभिनेता गोविंदाचे खासगी आयुष्य चांगलेच चर्चेत आहे. गोविंदाची बायको सुनिता अहुजादेखील तिच्या स्पष्ट वक्तव्यांमुळे चर्चेत आहे. सुनिता आणि गोविंदाच्या नात्यात फुट पडली असल्याचे म्हटले जात आहे. दरम्यान, एका मुलाखतीमध्ये सुनिताने केलेल्या वक्तव्याने सर्वांचे लक्ष वेधले आहे.
सुनीता आहूजाला एका मुलाखतीत ‘वन नाईट स्टँड’बाबत एक प्रश्न विचारण्यात आला. या प्रश्नाचे उत्तर देताना कदाचित अनेकांना संकोच वाटेल, पण त्यांनी वेळ न घालवता लगेच उत्तर देऊन सर्वांना आश्चर्यचकित केले. सोशल मीडियावर त्यांच्या या उत्तराची जोरदार चर्चा सुरु आहे.
अलीकडेच सुनिता ‘व्हाय नॉट विथ एमएनएल’च्या सीझन ३ मध्ये पोहोचली. तिथे एका रॅपिड-फायर सेगमेंटमध्ये तिला शाहरुख खान, शाहिद कपूर आणि हर्षवर्धन राणे यांपैकी एखाद्याला ‘वन-नाईट स्टँड’साठी निवडायचे झाले तर त्या कोणाला निवडणार असा प्रश्न विचारण्यात आला.
या प्रश्नाचे उत्तर देताना कोणताही संकोचा न करता सुनिताने लगेच किंग खानचे नाव घेतले. ती शाहरुख खानची फॅन असल्याचे सांगत सुनीताने म्हटले की, “तुम्ही काहीही विचारा, माझे पहिले प्राधान्य नेहमी शाहरुख खानच राहील.”
गेल्या काही दिवसांपासून गोविंदा आणि सुनिता यांच्या नात्यामध्ये फुट पडल्याचे दिसत आहे. गोविंदा कोमल नावाच्या नवख्या अभिनेत्रीला डेट करत असल्याच्या चर्चा रंगल्या आहेत. त्यांचे एकत्र फिरतानाचे फोटो सतत समोर येत आहेत. हे पाहून अनेकदा सुनिता संतापली आहे.
