Hair Tips : ‘या’ पोषक तत्वांच्या कमतरतेमुळे केस गळतात, जाणून घ्या केस गळण्याचे खरे कारण
आहारतज्ज्ञ नमामी अग्रवाल यांनी त्यांच्या इंस्टाग्रामवर एक व्हिडिओ पोस्ट केला आहे, ज्यामध्ये त्यांनी केस गळतीचे सर्वात मोठे कारण शरीरात काही पोषक तत्वांचा अभाव असल्याचे स्पष्ट केले आहे. त्यामुळे कोणत्या गोष्टींची काळजी घेतली पाहिजे याबद्दल देखील त्यांनी सांगितलं आहे.
कॅरोटीनच्या निर्मितीमध्ये झिंक महत्त्वाची भूमिका बजावते. झिंकच्या कमतरतेमुळे केसांची मुळे कमकुवत होतात आणि तुटतात. याचा सामना करण्यासाठी, तुमच्या आहारात बिया आणि अंडी समाविष्ट करा.
व्हिटॅमिन डी संसर्गाशी लढण्यास मदत करते. त्याच्या कमतरतेमुळे टाळूला खाज सुटू शकते आणि केस गळू शकतात. ही कमतरता दूर करण्यासाठी तुम्ही पूरक आहार घेण्यची नितांत गरज आहे.
केसांच्या कूपांना ऑक्सिजन पुरवणारे हिमोग्लोबिन वाढवण्यासाठी लोह आवश्यक आहे. जेव्हा अपुरा ऑक्सिजन पुरवठा होतो तेव्हा केस गळू लागतात. याचा सामना करण्यासाठी, मोरिंगा आणि पालक खा.
केसांच्या रचनेसाठी महत्वाचे असलेले कोलेजन तयार करण्यासाठी व्हिटॅमिन सी आवश्यक आहे. त्याच्या कमतरतेमुळे केस कमकुवत होऊ शकतात आणि तुटू शकतात. हे टाळण्यासाठी आवळा (इंडियन गूसबेरी) आणि संत्रीसारखे पदार्थ खा.
केसांसाठी प्रथिने देखील खूप महत्वाची असतात. केसांचा मोठा भाग प्रथिनांनी बनलेला असतो. त्याच्या कमतरतेमुळे केस कमकुवत होऊ शकतात. हे भरून काढण्यासाठी, तुमच्या आहारात प्रथिनेयुक्त पदार्थांचा समावेश करा.
