हृदय निरोगी ठेवायचं असेल तर आजच किचनमध्ये ‘या’ 5 आरोग्यदायी तेलांचा करा समावेश
आजच्या धकाधकीच्या जीवनात अनेक आरोग्याच्या समस्या डोकं वर काढतात. अशात डॉक्टर देखील अनेक पथ्य सांगतात. अशात तुमच्या स्वयंपाक घरात अशा तेलांचा समावेश करा, ज्यामुळे तुमचं आरोग्य निरोगी राहिल... पण आहारात कोणतेही बदल करण्यापूर्वी सर्वात आधी डॉक्टरांचा सल्ला नक्की घ्या.
ऑलिव्ह ऑइल: ऑलिव्ह ऑइलमध्ये मोनोअनसॅचुरेटेड फॅट्स आणि पॉलीफेनॉल्स भरपूर प्रमाणात असतात. हे घटक दाह कमी करतात आणि हृदयाचे आरोग्य सुधारतात. अनेक लोकं हे तेल वापरतात.
जवसाचं तेल: जवसापासून बनवलेलं हे तेल अल्फा-लिनोलेनिक ॲसिडने समृद्ध असते, जे एक वनस्पतीजन्य ओमेगा-3 फॅटी ॲसिड आहे. हे हृदयाच्या आरोग्यासाठी आणि कोलेस्ट्रॉलच्या चयापचयासाठी मदत करते. तज्ज्ञांच्या मते, उन्हाळ्यात जवसाच्या तेलाचा वापर करू नये.
तिळाचं तेल: तिळाच्या तेलामध्ये सेसामोल आणि सेसामिनसारखे अँटीऑक्सिडंट्स असतात, जे कोलेस्ट्रॉलची पातळी चांगली राखण्यास मदत करतात. याचा वापर तळण्यासाठी किंवा ज्या पदार्थांमध्ये त्याच्या विशिष्ट चवीची आवश्यकता असते, अशा पदार्थांमध्ये केला जाऊ शकतो.
शेंगदाणा तेल: शेंगदाणा तेलामध्ये मोनोअनसॅचुरेटेड फॅट्स आणि व्हिटॅमिन ई भरपूर प्रमाणात असते. जर्नल ऑफ फूड सायन्समध्ये 2010 साली प्रकाशित झालेल्या एका अभ्यासानुसार, शेंगदाणा तेलामध्ये हृदय आणि रक्तवाहिन्यांचे संरक्षण करणारे गुणधर्म आहेत.
सूर्यफूल तेल: सूर्यफूल तेलामध्ये मोनोअनसॅचुरेटेड फॅटचे प्रमाण जास्त असते आणि सॅचुरेटेड फॅटचं प्रमाण जास्त असलेल्या तेलांपेक्षा हा एक चांगला पर्याय असू शकतो. सॅचुरेटेड फॅट असलेल्या तेलांऐवजी सूर्यफूल तेलाचा वापर केल्याने वाईट कोलेस्ट्रॉल आणि ट्रायग्लिसराइड्स कमी होण्यास मदत होऊ शकते.
