Suriya: सर्वोत्कृष्ट अभिनेत्याचा पुरस्कार पटकावणाऱ्या सूर्या शिवकुमारचं रिअल लाईफ कसंय?; जाणून घ्या एका क्लिकवर
वसंत दिग्दर्शित 'नेरुक्कू नेर' या चित्रपटातून त्यांनी वयाच्या 22 व्या वर्षी सिनेविश्वात पदार्पण केले. मात्र, सिनेमात येण्यापूर्वी त्याने ओळख लपवून कपड्याच्या कारखान्यात काम करायला सुरुवात केली होती
68 व्या राष्ट्रीय चित्रपट पुरस्कार सोहळ्यात आज चित्रपटसृष्टीशी निगडित कलाकारांचा गौरव करण्यात आला. दिल्लीतील नॅशनल मीडिया सेंटरमध्ये हा सोहळा पार पडला, ज्यामध्ये माहिती आणि प्रसारण मंत्रालयाकडून राष्ट्रीय चित्रपट पुरस्कार विजेत्यांची घोषणा करण्यात आली.
यावेळी हिंदी आणि तमिळ भाषेतील दोन कलाकारांना सर्वोत्कृष्ट अभिनेत्याचा पुरस्कार मिळाला आहे. साऊथ सिनेमाची सुपरस्टार सुर्या शिवकुमारला सर्वोत्कृष्ट अभिनेत्याचा पुरस्कार मिळाला आहे. त्याच्यासोबत अजय देवगणनेही हा पुरस्कार पटकावला आहे.
2020 मध्ये बॉक्स ऑफिसवर ब्लॉकबस्टर ठरलेल्या 'सूरराई पोत्रू' या चित्रपटासाठी सुर्याला सर्वोत्कृष्ट अभिनेत्याचा पुरस्कार देण्यात आला. या खास प्रसंगी आम्ही तुम्हाला अभिनेत्याशी संबंधित काही खास गोष्टी सांगत आहोत.
23 जुलै 1975 रोजी जन्मलेली सुर्या दक्षिण चित्रपटसृष्टीतील सिंघम आहे, . त्यांचा जन्म तमिळ अभिनेता शिवकुमार यांच्या पोटी झाला. सुर्याचा भाऊ कार्तीही साऊथच्या चित्रपटांमध्ये काम करतो.
वसंत दिग्दर्शित 'नेरुक्कू नेर' या चित्रपटातून त्यांनी वयाच्या 22 व्या वर्षी सिनेविश्वात पदार्पण केले. मात्र, सिनेमात येण्यापूर्वी त्याने ओळख लपवून कपड्याच्या कारखान्यात काम करायला सुरुवात केली.