रात्रीच्या जेवणात किती चपात्या खाव्या? महिला आणि पुरुषांसाठी योग्य प्रमाण काय?
रात्रीच्या जेवणात किती चपात्या खाव्या? महिला आणि पुरुषांसाठी योग्य प्रमाण काय? वजन कमी करण्यासाठी आणि उत्तम आरोग्यासाठी तज्ज्ञांनी दिलेला आहारविषयक महत्त्वाचा सल्ला नक्की फॉलो करा.
रात्रीच्या वेळी आहार हलका असावा असा सल्ला तज्ज्ञांकडून वारंवार दिला जातो. याचा थेट परिणाम आपल्या पचनसंस्थेवर आणि वजनावर होत असतो. दिवसभराच्या तुलनेत रात्री आपली शारीरिक हालचाल कमी असल्याने पचनशक्ती मंदावलेली असते.
1 / 8
त्यामुळे रात्री जास्त प्रमाणात चपात्या खाल्ल्यास अन्नाचे पचन नीट होत नाही आणि पर्यायाने शरीरातील चरबी वाढण्याची शक्यता असते. निरोगी राहण्यासाठी रात्रीचे जेवण मर्यादित आणि हलके असणे केव्हाही फायदेशीर ठरते. यामुळे आज आपण रात्रीच्या वेळी महिला आणि पुरुषांनी किती चपात्या खाव्यात, याबद्दलची सविस्तर माहिती घेणार आहोत.
2 / 8
सामान्यतः पुरुषांची शारीरिक मेहनत आणि कॅलरीची गरज महिलांच्या तुलनेत जास्त असते. तरीही रात्रीच्या वेळी जास्त कार्बोहायड्रेट्स घेणे टाळले पाहिजे. एका निरोगी पुरुषाने रात्रीच्या जेवणात २ ते ३ चपात्या खाणे पुरेसे असते.
3 / 8
जर तुमचे वजन जास्त असेल किंवा तुम्हाला वजन कमी करायचे असेल, तर २ चपात्या आणि त्यासोबत जास्त प्रमाणात भाज्या किंवा डाळींचे सेवन करावे. महिलांची चयापचय क्रिया पुरुषांच्या तुलनेत थोडी मंद असते, त्यामुळे त्यांनी रात्रीच्या जेवणात कॅलरीवर नियंत्रण ठेवणे गरजेचे असते.
4 / 8
महिलांनी रात्रीच्या वेळी १ ते २ चपात्या खाणे योग्य मानले जाते. जर शारीरिक हालचाल कमी असेल, तर १ चपाती आणि त्यासोबत एक वाटी सूप किंवा सॅलड घेणे आरोग्यासाठी फायदेशीर ठरते.
5 / 8
केवळ चपात्यांवर अवलंबून न राहता, ताटात प्रथिनांचे (Proteins) प्रमाण वाढवा. डाळ, उसळ किंवा पनीर यांसारख्या पदार्थांचा समावेश करा. रात्रीचे जेवण झोपण्यापूर्वी किमान २ ते ३ तास आधी करावे. यामुळे अन्नाचे पचन नीट होते आणि वजन वाढत नाही.
6 / 8
शक्य असल्यास गव्हाच्या चपातीऐवजी ज्वारी किंवा बाजरीची भाकरी खाणे अधिक गुणकारी ठरते, कारण त्यामध्ये फायबरचे प्रमाण जास्त असते. जेवताना लगेच पाणी पिणे टाळावे. जेवणानंतर अर्ध्या तासाने कोमट पाणी प्यायल्यास पचन सुलभ होते.
7 / 8
(डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
