Home Loan EMI : लाखोंच्या गृहकर्जातून होईल लवकर सुटका, फक्त या सोप्या ट्रिक वापरा; वाचतील खूप सारे पैसे!
परंतु असे एक सोपे सूत्र आहे, ज्याच्या मदतीने तुम्ही 20 वर्षांसाठी घेतलेल्या कर्जाची परतफेड कालावधीच्या अगोदरच करू शकता. त्यासाठी तुम्हाला काही नियम पाळावे लागतील.
प्रत्येकालाच आपलं असं हक्काचं घर हवं असं वाटतं. त्यासाठी बँकांकडून 20 ते 25 वर्षांसाठी कर्ज घेऊन त्याची परतफेड करण्याचा मार्ग अनेकजण निवडतात. परंतु हे कर्ज आयुष्यभर फेडत राहावं लागत असल्याने कर्ज काढून घर खरेदी करावं का, असा प्रश्न अनेकजण विचारतात.
परंतु असे एक सोपे सूत्र आहे, ज्याच्या मदतीने तुम्ही 20 वर्षांसाठी घेतलेल्या कर्जाची परतफेड कालावधीच्या अगोदरच करू शकता. उदाहरणादाखल तुम्ही 30 लाखांचे कर्ज 20 वर्षांसाठी काढले आहे, असे गृहित धरुया.
या कर्जाची परतफेड करण्यासाठी तुम्हाला प्रत्येक महिन्याला 26,035 रुपयांचा हप्ता भरावा लागू शकतो. हे कर्ज 20 वर्षांच्या अगोदरच फेडायचे असेल तर तुम्ही प्रत्येक वर्षाला फक्त एक ईएमआय अतिरिक्त भरायचा आहे. सोबतच इतरही काही गोष्टी कराव्या लागतील.
पहिल्या वर्षी तुम्ही एक अतिरिक्त ईएमआय भरत असाल तर दुसऱ्या वर्षी ईएमआयच्या दीडपट रक्कम तुम्ही भरली पाहिजे. त्याच्या पुढच्या वर्षी एका वर्षात दोन अतिरिक्त ईएमआय, तिसऱ्या वर्षात तीन अतिरिक्त ईएमआय भरल्यास तुमचे कर्ज लवकर संपू शकते.
सोबतच पगार वाढल्यास ईएमआयमध्येही वाढ करावी. प्रत्येक वर्षी आलेल्या बोनसच्या मदतीने मुद्दल कमी करून घ्या. टॅक्स रिफंड किंवा अन्य मार्गाने पैसे आल्यास लोन प्रीपेमेंट करा. या मार्गांचा अवलंब केल्यास तुमचे कर्ज लवकर संपू शकते.
