मोबाईलचे व्यसन कसे सोडवायचे? हे उपाय ठरतील फायदेशीर
Mobile Addiction Solution : मोबाईलमुळे जग मुठीत आले आहे. मात्र मोबाईलचा अतिवापर ही आजच्या काळात एक मोठी समस्या बनली आहे. हे व्यसन सोडण्यासाठी कोणते उपाय करणे फायदेशीर ठरतील याबाबत सविस्तर माहिती जाणून घेऊयात.
मोबाईल वापराचे वेळापत्रक बनवा : दिवसभरात मोबाईल वापरण्यासाठी विशिष्ट वेळापत्रक ठरवा. उदा. सकाळी 9 ते 9.30, दुपारी 1 ते 1.30. या वेळेव्यतिरिक्त मोबाईल वापरणे टाळा.
नोटीफिकेशन्स बंद करा : ज्या ॲप्सची आवश्यकता नाही, त्या ॲप्सचे नोटीफिकेशन्स बंद करा. नोटीफिकेशनमुळे मोबाईल तपासण्याची इच्छा होते, मात्र नोटीफिकेशन आले नाहीत तर ही सवय कमी होईल.
मोबाईल अंथरुणापासून दूर ठेवा : झोपण्यापूर्वी किमान 1 तास आधी मोबाईल दूर ठेवा आणि सकाळी उठल्यानंतर किमान 1 तास मोबाईल पाहू नका. तसेच मोबाईल बेडरूममध्ये चार्जिंगला लावणे टाळा.
आवश्यक ॲप्स एका फोल्डरमध्ये ठेवा : जे ॲप्स तुम्हाला वारंवार तपासावे लागतात (उदा. सोशल मीडिया), ते होम स्क्रीनवरून काढून एका फोल्डरमध्ये ठेवा, ज्यामुळे ते तुम्हाला लगेच दिसणार नाहीत.
इतर कामे करा : मोबाईलमुळे वाया जाणारा वेळ सकारात्मक छंद किंवा कामांमध्ये लावा. उदा. पुस्तक वाचा, बाहेर फिरा, व्यायाम करा किंवा मित्र-मैत्रिणींना प्रत्यक्ष भेटा आणि बोला.
