इम्रान खानच नव्हे, बॉलिवूडचे ‘हे’ स्टार्सही आहेत परदेशी नागरिक, पाचवं नाव वाचून उंचावतील भुवया !
अभिनेता इम्रान खानला परदेशी नागरिकत्वामुळे मुंबई पोलिसांनी भारत सोडण्याचे आदेश दिले आहेत. ऑगस्ट क्रांती मैदानातील आंदोलनात सहभागामुळे ही कारवाई झाली. इम्रानसह इतरही अनेक बॉलिवूड कलाकारांकडे परदेशी नागरिकत्व आहे. कोण आहेत ते ?
बॉलीवूड अभिनेता इम्रान खान बद्दल एक मोठी बातमी समोर आली आहे. नुकतंच मुंबई पोलिसांनी त्याला भारत सोडण्याचा आदेश दिला असून, यामुळे सोशल मीडियावर मोठी खळबळ माजली आहे. काही दिवसांपूर्वी मुख्य निवडणूक आयुक्त (CEC) ज्ञानेश कुमार यांच्या राजीनाम्याच्या मागणीसाठी मुंबईतील ऑगस्ट क्रांती मैदानात आंदोलन झालं. त्यात इम्रान खान हा सहभागी झाला होता. मात्र इर्मानकडे भारतीय नागरिकत्व नाही तर US सिटीजनशिप आहे, त्याचा हवाला देत ही नोटीस पाठवण्यात आली आहे. पण फक्त इम्रानच नव्हे तर बॉलिवूडमधले असे आणखी काही कलाकारा आहेत, ज्यांच्याकडे परदेशातली सिटीझनशिप आहे. त्यामध्ये पाचव्या नंबरवर तर ती सौंदर्यवती अभिनेत्री आहे, जी नुकतीच आई झाली. जाणून घेऊया नावं.. ( All Photos : Social Media)
या यादीची सुरुवात बॉलिवूड अभिनेता इमरान खान याच्यापासूनच होते. त्याचा जन्म अमेरिकेतील मॅडिसन, विस्कॉन्सिन येथे झाला होता. अमेरिकेत जन्म झाल्यामुळे त्याच्याकडे अमेरिकेचे नागरिकत्व आणि पासपोर्ट आहे. अलीकडेच मुंबईतील ऑगस्ट क्रांती मैदानावर मुख्य निवडणूक आयुक्तांविरोधात आयोजित करण्यात आलेल्या CJP च्या आंदोलनात सहभागी झाल्यामुळे मुंबई पोलिसांनी त्यांना परदेशी नागरिकाकडून व्हिसाच्या नियमांचे उल्लंघन केल्याप्रकरणी 28 ऑक्टोबरपर्यंत देश सोडण्याची अधिकृत नोटीस बजावली आहे.
सौंदर्यवती अभिनेत्री कतरिना कैफ हिच्याकडेही दुहेरी नागरिकत्व असल्याचं सांगितलं जातं. कतरिनाचा जन्म हाँगकाँगमध्ये झाला असून तिच्याकडे ब्रिटिश नागरिकत्व आहे. परदेशी नागरिक असूनही ती हिंदी चित्रपटसृष्टीतील सर्वाधिक यशस्वी आणि लोकप्रिय अभिनेत्रींपैकी एक आहे.
बॉलिवूडचा खिलाडी कुमार अर्थात अक्षय कुमारकडेही दीर्घकाळ कॅनडाचे नागरिकत्व होते. या मुद्द्यावरून सोशल मीडियावर बरीच चर्चाही झाली. मात्र, नंतर त्याने अधिकृतरीत्या पुन्हा भारतीय नागरिकत्व मिळवले.
बॉलिवूडमधील आघाडीची अभिनेत्री आलिया भट्टकडेही ब्रिटिश नागरिकत्व आहे. तिची आई सोनी राजदान ही ब्रिटिश वंशाची आहे. त्यामुळे जन्माच्या आधारावर आलियाकडे ब्रिटनचा पासपोर्ट आहे. मात्र, ती भारतात राहूनच हिंदी चित्रपटांमध्ये काम करते.
आपल्या दमदार अभिनयाने आणि सौंदर्याने जगभरात नाव कमावणाऱ्या दीपिका पदुकोण कडे डेनमार्कचे नागरिकत्व आहे. तिचा जन्म कोपनहेगन येथे झाला होता, त्यामुळे तिच्याकडे डॅनिश पासपोर्ट आहे. नुकतीच दुसऱ्यांदा आई झालेली दीपिका तिच्या वैयक्तिक आणि व्यावसायिक आयुष्यामुळे नेहमीच चर्चेत असते.
‘रॉकस्टार’ या चित्रपटातून आपल्या अभिनय कारकिर्दीची सुरुवात करणाऱ्या नरगिस फाखरी ही देखील भारतीय नागरिक नाही, तर तिच्याकडे अमेरिकेचे नागरिकत्व आहे. तिचा जन्म आणि संगोपन अमेरिकेतील न्यूयॉर्क येथे झाले. ती अमेरिकन मॉडेल आणि अभिनेत्री आहे.
बॉलिवूडमध्ये आपल्या उत्कृष्ट नृत्यकौशल्याने आणि अभिनयाने ओळख निर्माण करणाऱ्या नोरा फतेही हिच्याकडे कॅनडाचे नागरिकत्व आहे. कॅनडातील टोरंटो येथे तिचा जन्म झाला असून तिच्याकडे कॅनडाचा पासपोर्ट आहे. ती मोरोक्कन-कॅनेडियन कुटुंबातील असून सध्या मुंबईत राहून हिंदी चित्रपटसृष्टीत सक्रिय असते.
