आयपीएलमध्ये KKR च्या विजयानंतर प्रसिद्ध क्रिकेटरने बांधली लग्नगाठ
आयपीएल 2024 मध्ये केकेआरच्या विजयात वेंकटेशने महत्त्वाची भूमिका बजावली होती. 14 सामन्यांमध्ये अय्यरने 158.80 च्या स्ट्राइक रेटने 370 धावा केल्या.
'आयपीएल 2024'मध्ये विजय मिळवल्यानंतर शाहरुख खानच्या 'कोलकाता नाइट रायडर्स' टीममधील ऑल राऊंडर खेळाडू वेंकटेश अय्यर याने रविवारी लग्नगाठ बांधली. या लग्नाचे फोटो सध्या सोशल मीडियावर व्हायरल होत आहेत.
वेंकटेश अय्यरने श्रुती रघुनाथनशी लग्न केलं आहे. गेल्या वर्षी नोव्हेंबर महिन्यात या दोघांनी साखरपुडा केला होता. त्यानंतर आता रविवारी कुटुंबीय आणि मित्रमैत्रिणींच्या उपस्थितीत ते लग्नबंधनात अडकले.
वेंकटेशची पत्नी श्रुती रघुनाथन ही बेंगळुरू इथल्या लाइफस्टाइल इंटरनॅशनल प्रायव्हेट लिमिटेडमध्ये मर्चेंडाइज प्लॅनर म्हणून कामाला आहे. धोरणात्मक नियोजन आणि इन्व्हेंटरी व्यवस्थापनाचं काम ती करते.
श्रुतीने नॅशनल इन्स्टिट्यूट ऑफ फॅशन टेक्नॉलॉजी (NIFT) मधून फॅशन मॅनेजमेंटमध्ये पदव्युत्तर पदवी प्राप्त केली आहे. NIFT ही अत्यंत प्रतिष्ठित संस्था आहे.
वेंटकेश आणि श्रुतीचा लग्नसोहळा दाक्षिणात्य परंपरेनुसार पार पडला. लग्न समारंभातील या दोघांच्या पोशाखाने नेटकऱ्यांचं विशेष लक्ष वेधलं. वेंकटेश आणि श्रुतीचे फोटो व्हायरल होताच त्यावर चाहत्यांकडून शुभेच्छांचा वर्षाव होत आहे.
