Ladki Bahin Yojana : लाडकी बहीण योजनेचा सप्टेंबरचा हप्ता कधी मिळणार? तारीख आली समोर, जाणून घ्या मोठी अपडेट
लाडकी बहीण योजनेच्या सप्टेंबर महिन्याच्या हप्त्याची नेमकी तारीख काय आहे? महिलांच्या खात्यात 1,500 रुपये कधी जमा होणार? की सप्टेंबर आणि ऑक्टोबर महिन्यांचे मिळून 3,000 रुपये दिवाळीपूर्वीच खात्यात जमा होणार? तसेच, ई-केवायसी आणि आधार लिंकिंगच्या प्रक्रियेमुळे कोणत्या महिलांना हप्ता मिळणार नाही? याबाबतची नेमकी तारीख आणि मोठी अपडेट जाणून घेऊया.
महाराष्ट्रातील लाखो महिलांना दिलासा देणाऱ्या लाडकी बहीण योजनेच्या सप्टेंबर महिन्याच्या हप्त्याबाबत मोठी अपडेट समोर आली आहे.
यापूर्वी ऑगस्टचा हप्ता सप्टेंबर शेवटी आणि जुलैचा हप्ता ऑगस्ट शेवटी जमा झाला होता. त्यामुळे “सप्टेंबरचा हप्ता ऑक्टोबर अखेरीस मिळेल का?” असा प्रश्न महिलांकडून विचारला जात आहे.
सूत्रांच्या माहितीनुसार दसऱ्यानंतर सप्टेंबर महिन्याचा हप्ता येण्याची शक्यता आहे, तर काहींकडून सांगण्यात येत आहे की सप्टेंबर आणि ऑक्टोबर महिन्याचे एकत्र 3,000 रुपये दिवाळी आधी देण्याची शक्यता आहे.
राज्यातील सुमारे 1.66 कोटी पात्र महिलांना या योजनेचा लाभ मिळतो. ई-केवायसी आणि आधार-बँक लिंकिंग अपूर्ण असल्याने अनेक महिलांचे हप्ते रोखले गेले आहेत.
त्यामुळे महिलांनी आपली ई-केवायसी पूर्ण आहे का? आणि आधार लिंक आहे का? याची खात्री करून घ्यावी, असे आवाहन करण्यात येत आहे.
