‘महाभारत’मधील कुंतीने दीड वर्षे सर्वांपासून गुप्त ठेवलं लग्न, आता थेट शेअर केले नवऱ्यासोबतचे रोमँटिक फोटो
टीव्ही इंडस्ट्रीमधील लोकप्रिय अभिनेत्री आणि महाभारतमधील कुंतीच्या भूमिकेत दिसणाऱ्या अभिनेत्रीने दीड वर्षे गुप्त ठेवलं लग्न. आता नवऱ्यासोबतचे रोमँटिक फोटो शेअर करत चाहत्यांना दिली माहिती.
टीव्ही इंडस्ट्रीतील लोकप्रिय अभिनेत्री शफक नाझ सध्या तिच्या वैयक्तिक आयुष्यामुळे चर्चेत आली आहे. ‘महाभारत’ या गाजलेल्या मालिकेत कुंतीची भूमिका साकारून घराघरांत पोहोचलेल्या शफकने नुकताच तिच्या लग्नाचा खुलासा करून चाहत्यांना मोठा धक्का दिला आहे.
विशेष म्हणजे तिने हे लग्न तब्बल दीड वर्षे गुप्त ठेवले होते. शफक नाझने सोशल मीडियावर तिच्या नवऱ्यासोबतचे काही रोमँटिक फोटो शेअर केले आहेत. समुद्रकिनारी काढलेल्या या खास फोटोशूटमध्ये दोघांमधील प्रेम आणि जवळीक स्पष्टपणे दिसून येते.
फोटो पाहिल्यानंतर चाहत्यांमध्ये एकच चर्चा सुरू झाली आणि अखेर अभिनेत्रीने स्वतःच तिच्या लग्नाची अधिकृत घोषणा केली. शफकने तिच्या पोस्टमध्ये सांगितले की, तिने 31 ऑक्टोबर 2024 रोजी तिच्या आवडत्या व्यक्तीसोबत विवाह केला.
मात्र, या खास क्षणाची माहिती तिने सार्वजनिक केली नव्हती. गेल्या दीड वर्षांपासून ती तिच्या वैवाहिक आयुष्यातील सुंदर आणि आनंदी क्षण शांतपणे अनुभवत होती. फोटो शेअर करताना शफकने भावनिक कॅप्शन लिहिले, 31 ऑक्टोबर 2024 रोजी मी माझ्या सर्वात आवडत्या व्यक्तीशी लग्न केले.
गेल्या दीड वर्षांपासून मी माझ्या आयुष्यातील सर्वात सुंदर आणि आनंदी क्षण जगत आहे. भेटा, माझे पती जीशान. या पोस्टनंतर सोशल मीडियावर अभिनंदनाचा वर्षाव सुरू झाला आहे. चाहते, मित्रमंडळी आणि मनोरंजन विश्वातील अनेक कलाकार शफकला नव्या आयुष्यासाठी शुभेच्छा देत आहेत.
