त्याची दहशत अजूनही आहे; अपूर्वा नेमकळेकरची पोस्ट पुन्हा चर्चेत, नेमकं काय घडलं?
शेवंता म्हणून संपूर्ण महाराष्ट्राल प्रसिद्ध असलेली अपूर्वा नेमळेकर सध्या चांगलीच चर्चेत आहे. तिने सोशल मीडियावर एक पोस्ट शेअर केली आहे.
रात्रीस खेळ चाले या मालिकेतून संपूर्ण महाराष्ट्राच्या घराघरात पोहोचलेली अभिनेत्री म्हणजे अपूर्वा नेमळेकर. अपूर्वाने या मालिकेत शेवंता ही भूमिका साकारली होती. तिच्या या भूमिकेने प्रेक्षकांची मने जिंकली होती. आता अपूर्वा तिच्या एका पोस्टमुळे चर्चेत आहे.
नुकतीच अपूर्वा नेमळेकरने सोशल मीडियावर एक अनोखी आणि मजेशीर पोस्ट केली आहे, जी प्रेक्षकांना खूप आवडली. या पोस्टमध्ये तिने एक फोटो शेअर केला आहे.
अपूर्वाने पोस्टच्या कॅप्शनमध्ये लिहिले की, “एकच नजर बस्सं होती... त्याची दहशत अजूनही आहे!”
फोटोच्या वर मात्र तिने आणखी एक मजेदार ओळ लिहिली आहे. “तुम्ही सार्वजनिक ठिकाणी तुमच्या मुलांना कंट्रोल करू शकत नाही, पण माझी आई मला अजूनही अशा पद्धतीने कंट्रोल करते!”
अपूर्वाच्या या पोस्टमागचा खरा अर्थ उपहासात्मक आहे. ती खरंतर आईच्या रागावलेल्या अवस्थेतील 'ती एक नजर'चा उल्लेख करत आहे, जी अनेक मुलांना आजही आठवते आणि घाबरायला होते.
अपूर्वा नेमळेकर सध्या चर्चेत आहे तिच्या वैयक्तिक आयुष्यामुळे. पहिल्या लग्नानंतर घटस्फोट झाल्यानंतर तिने १४ फेब्रुवारी २०२६ रोजी व्हॅलेंटाइन डेच्या मुहूर्तावर दुसऱ्यांदा लग्न केले. ती पती तनुज गोवाळकर सोबतचे रोमँटिक फोटो आणि व्हिडीओ नियमितपणे सोशल मीडियावर शेअर करते.
