गिरिजा ओकला सौंदर्यामध्ये टक्कर देणारी ही अभिनेत्री कोण? जिच्या वन पीसमधील फोटोंनी लावलं सर्वांना वेड
'नॅशनल क्रश'गिरिजा ओकनंतर काळ्या रंगाच्या वन पीसमधील या सौंदर्य क्वीनने वेधलं सर्वांचं लक्ष. फोटोवरून नजर हटवणे कठीण.
'नॅशनल क्रश' गिरिजा ओकनंतर आता मराठी मनोरंजनसृष्टीतील लोकप्रिय अभिनेत्री स्नेहलता वसईकर सध्या तिच्या एका वेगळ्या आणि ग्लॅमरस फोटोशूटमुळे चर्चेच्या केंद्रस्थानी आली आहे.
आपल्या दमदार अभिनयाने आणि विशेषतः ऐतिहासिक भूमिकांमधून प्रेक्षकांच्या मनात अढळ स्थान निर्माण करणाऱ्या स्नेहलताचा हा नवा अवतार चाहत्यांसाठी सुखद धक्का देणारा ठरत आहे.
झी मराठीवरील गाजलेल्या ऐतिहासिक मालिका ‘स्वराज्यरक्षक संभाजी’ मध्ये स्नेहलताने साकारलेली महाराणी सोयराबाई यांची भूमिका आजही प्रेक्षकांच्या लक्षात आहे. या मालिकेतील अभिनयामुळे स्नेहलता घराघरात पोहोचली. तिच्या प्रत्येक सीनला प्रेक्षकांकडून मोठी दाद मिळाली.
आतापर्यंत प्रामुख्याने साडी किंवा पारंपारिक वेशभूषेत दिसणाऱ्या स्नेहलताने नुकतेच आपल्या सोशल मीडियावर एका हटके फोटोशूटमधील फोटो शेअर केले आहेत. या फोटोशूटसाठी तिने काळ्या रंगाचा साधा पण एलिगंट वन पीस ड्रेस परिधान केला आहे.
तिचा हा मिनिमल आणि स्टायलिश लूक चाहत्यांच्या विशेष पसंतीस उतरला आहे. कोणताही भडक मेकअप न करता साधेपणातून सौंदर्य अधोरेखित करणारा हा लूक अनेकांना भावला आहे.
तिच्या या फोटोंवर चाहत्यांनी लाईक्स आणि कमेंट्सचा अक्षरशः वर्षाव केला आहे. राजसतेतून ग्लॅमरकडे सहज प्रवास, खूपच ग्रेसफुल अशा प्रतिक्रिया सोशल मीडियावर पाहायला मिळत आहेत.
