SGB : सॉव्हरिन गोल्ड बाँड ठरला फायद्याचा; 8 वर्षात पैसा झाला दुप्पट
Sovereign Gold Bonds : सॉव्हरिन गोल्ड बाँड योजनेत गुंतवणुकीची पहिली मालिका 2016-17 मध्ये सुरु करण्यात आली होती. या योजनेतंर्गत गुंतवणूकदारांना त्यांच्या गुंतवणुकीवर 100 टक्क्यांहून अधिकचा फायदा झाला आहे.
सॉव्हरिन गोल्ड बाँड योजनेतंर्गत पहिल्या मालिकेने जोरदार परतावा दिला आहे. यामध्ये गुंतवणूकदारांचे पैसे डबल झाले आहेत.
Sovereign Gold Bonds अंतर्गत महत्वाची अपडेट समोर आली आहे. केंद्र सरकारने वर्ष 2016 मधील पहिल्या सॉव्हरिन गोल्ड बाँड योजनेची रिडेंप्शन किंमत ठरवली आहे.
त्यासाठी 29 जुलै ते 2 ऑगस्ट या दरम्यानची सरासरी किंमत गृहीत धरण्यात आली आहे. भारतीय रिझर्व्ह बँकेने त्यासाठी 5 ऑगस्ट 2024 ही तारीख निश्चित केली आहे.
सरकारद्वारे ठरवलेल्या रिडेंप्शन किंमतीनुसार, गुंतवणूकदारांना संपूर्ण 8 वर्षांच्या एकूण 122 टक्क्यांचा जोरदार परतावा मिळाला आहे.
सॉव्हरिन गोल्ड बाँड योजनेची पहिली मालिका 2016-17 साठी सरकारने इश्यू प्राईस 3119 रुपये निश्चित केली होती. एक ग्रामवर गुंतवणूकदारांना आता 3819 रुपये दर निश्चित केला आहे.
याशिवाय गुंतवणूकदारांना सोन्यावर 2.5 टक्के दराने व्याजाचा लाभ पण मिळेल. गुंतवणूकदारांच्या खात्यात सौर्वभौम सुवर्ण रोख्याच्या व्याजाचा पैसा जमा होईल
सार्वभौम सुवर्ण रोखे योजनेची मुदत 8 वर्षांची आहे. तर योजनेचा लॉक इन कालावधी हा पाच वर्षांचा आहे. गुंतवणूकदारांना त्यांची गुंतवणूक विक्री करण्याचा पर्याय आहे.
