ढोल-ताशांचा गजर अन् ‘गणपती बाप्पा मोरया’चा जयघोष; मुंबईतील मोठ्या मंडळांच्या गणरायांचं आगमन !
बुद्धीची देवता गणरायाच्या आगमनाने मुंबईत उत्साहाचे वातावरण आहे. गणेशोत्सवापूर्वी लालबाग-परळ परिसरात बाप्पाच्या मूर्तींचे आगमन सोहळे भक्तीमय वातावरणात पार पडले. ढोल-ताशांच्या गजरात आणि 'गणपती बाप्पा मोरया'च्या जयघोषात भाविकांनी मोठ्या संख्येने गर्दी केली. परळच्या राजासारख्या मनमोहक मूर्तींनी सर्वांचे लक्ष वेधले. हा जल्लोष पाहण्यासाठी राज्यभरातून गणेशभक्त जमले होते.
बुद्धीची देवता आणि विघ्नहर्ता म्हणून ओळखल्या जाणाऱ्या गणरायाच्या आगमनाची चाहूल लागताच संपूर्ण महाराष्ट्रात उत्साहाचं आणि भक्तिमय वातावरण निर्माण झालं आहे. गणेशोत्सवाला अवघे काही दिवस उरले असताना मुंबईतील मोठमोठ्या गणेश मंडळांच्या बाप्पांचं आगमन सोहळे दिमाखात पार पडत आहेत. ढोल-ताशांचा गजर, लेझीमचा ताल, फुलांची उधळण आणि ‘गणपती बाप्पा मोरया’च्या जयघोषात मुंबईच्या रस्त्यांवर भक्तीचा अक्षरशः सागर पाहायला मिळत आहे. ( Photo Credit : Facebook- utsav_official_mumbai)
मुंबईतील लालबाग-परळ परिसरात तर गणरायाच्या आगमनाचा जल्लोष विशेषच रंगला. दुपारपासूनच विविध गणेश मंडळांच्या बाप्पांच्या आगमनासाठी भाविकांनी मोठी गर्दी केली होती. बाप्पाच्या दर्शनासाठी मुंबईसह राज्याच्या कानाकोपऱ्यातून भाविक मोठ्या संख्येने दाखल झाले होते. भक्तांच्या गर्दीने संपूर्ण परिसर फुलून गेला होता. ( Photo Credit : Facebook- utsav_official_mumbai)
सुहास्य वदन, प्रसन्न मुद्रा आणि मनमोहक रूपातील गणरायाच्या मूर्तीने उपस्थितांचं लक्ष वेधून घेतलं. बाप्पाचं दर्शन होताच भाविकांच्या चेहऱ्यावर आनंद आणि समाधान झळकत होतं. ढोल-ताशांच्या गजरात आणि ‘गणपती बाप्पा मोरया, मंगलमूर्ती मोरया’च्या जयघोषात परिसर दणाणून गेला. भक्तांच्या उत्साहाला अक्षरशः उधाण आलं होतं. ( Photo Credit : Facebook- utsav_official_mumbai)
यंदाच्या आगमन सोहळ्यात परळच्या राजाची आकर्षक मूर्ती विशेष लक्षवेधी ठरली. वारकरी रूपातील गणरायाचं हे मनमोहक रूप पाहण्यासाठी भाविकांची मोठी गर्दी झाली होती. पारंपरिक आणि भक्तिमय रूपात साकारलेली बाप्पाची मूर्ती सर्वांच्याच डोळ्यांचं पारणं फेडणारी ठरली. बाप्पाच्या या आगळ्यावेगळ्या रूपाचं भाविकांकडून कौतुक होत होतं. ( Photo Credit : Facebook- utsav_official_mumbai)
गणरायाच्या आगमनासाठी राज्याच्या विविध भागांतून आलेले भाविक या सोहळ्यात तल्लीन झाले होते. कुठे ढोल-ताशांचा कडकडाट, कुठे भक्तिगीतांचा स्वर, तर कुठे बाप्पाच्या जयघोषाने संपूर्ण लालबाग-परळ परिसर भारावून गेला होता. ( Photo Credit : Facebook- utsav_official_mumbai)
प्रत्येक रस्त्यावर आणि चौकाचौकात गणेशभक्तीचं वातावरण अनुभवायला मिळत होतं. या आगमन सोहळ्यात गणरायाच्या विविध रूपांचं दर्शन भाविकांना घडलं. ( Photo Credit : Facebook- utsav_official_mumbai)
प्रत्येक मूर्तीचं रूप वेगळं, संकल्पना वेगळी आणि वैशिष्ट्यही वेगळं होतं. मात्र, प्रत्येक मूर्तीमध्ये भक्ती आणि कलात्मकतेचा सुंदर संगम पाहायला मिळाला. बाप्पाचं हे मनमोहक रूप पाहून अनेक भाविकांच्या डोळ्यांत समाधान आणि चेहऱ्यावर आनंद स्पष्टपणे दिसत होता. ( Photo Credit : Facebook- utsav_official_mumbai)
दुपारपासून सुरू झालेला हा आगमन सोहळा सायंकाळपर्यंत चांगलाच रंगला. बाप्पाच्या आगमनाच्या प्रत्येक क्षणाचा आनंद घेण्यासाठी भाविकांनी मोठी गर्दी केली होती. ढोल-ताशांच्या तालावर तरुणाईचा उत्साह ओसंडून वाहत होता, तर ज्येष्ठ नागरिक आणि महिला भक्तिभावाने बाप्पाचं दर्शन घेत होते. लहान मुलांपासून ज्येष्ठांपर्यंत प्रत्येकजण या उत्सवाच्या आनंदात सहभागी झाला होता. ( Photo Credit : Facebook- utsav_official_mumbai)
दरम्यान, भाविकांची मोठी गर्दी लक्षात घेता पोलिसांकडूनही विशेष खबरदारी घेण्यात आली होती. कोणताही अनुचित प्रकार घडू नये आणि आगमन सोहळा सुरळीत पार पडावा यासाठी परिसरात कडेकोट पोलीस बंदोबस्त तैनात करण्यात आला होता. ( Photo Credit : Facebook- utsav_official_mumbai)
गर्दीचं नियोजन, वाहतूक व्यवस्था आणि भाविकांच्या सुरक्षिततेसाठी पोलिसांकडून विशेष उपाययोजना करण्यात आल्या. ( Photo Credit : Facebook- utsav_official_mumbai)
