A R Rahman Religion : ए आर रहमान मुस्लीम नव्हते, खरा धर्म माहिती होताच बसेल मोठा धक्का!
ए आर रहमान हे भारतातील सर्वात प्रसिद्ध संगीतकार आहेत. त्यांनी रचलेली अनेक गीते आजही अजरामर आहेत. रहमान हे मुस्लीम धर्म स्वीकारण्याआधी हिंदू धर्मीय होते.
आज ए आर रहमान यांची फक्त भारतातच नव्हे तर संपूर्ण जगात वेगळी ओळख आहे. त्यांनी आतापर्यंत अनेक अजरामर गाण्यांना संगीत दिलेले आहे. संगीतकार म्हणून त्यांनी केलेल्या कामाचे जगभरातील जाणकार कौतुक करतात.
ए आर रहमान हे धर्माने मुस्लीम आहेत. परंतु फारच कमी लोकांना माहिती आहे की ते जन्माने हिंदू होते. त्यांनी नंतर इस्लाम धर्म स्वीकारला. ए आर रहमान चार वर्षांचे होते तेव्हापासून ते पियानो वाजवायचे. तेव्हापासून त्यांचा संगीत क्षेत्रातील प्रवास सुरू झाला होता.
ते मुळचे तमिळनाडूतील मद्रास येथील रहिवासी आहेत. त्यांचे अगोदरचे नाव दिलीप कुमार राजगोपाला असे होते. इस्लाम धर्म स्वीकारल्यानंतर त्यांनी आपले नाव बदलले. त्यांचे वडीलदेखील प्रसिद्ध असे संगीतकार होते. ए आर रहमान 9 वर्षांचे असताना त्यांच्या वडिलांचे निधन झाले.
वडिलांचे निधन झाल्यानंतर ए आर रहमान यांच्यावरच कुटुंबाची जबाबदारी आली. सुरुवातीच्या काळात ए आर रहमान यांच्या कुटुंबाला मोठ्या आर्थिक अडचणी सहन कराव्या लागल्या. वडिलांची वाद्ये भाड्याने देऊन रहमान यांच्या कुटुंबाचा चरितार्थ चालायचा. ए आर रहमान हे शाळेत फारसे चांगली कामगिरी करू शकले नाही.
परंतु त्यांना संगीताची, वाद्यांची फार आवड होती. ए आर रहमान यांच्या संपर्कात प्रसिद्ध असे पीर कादरी साहेब आले. त्यांच्या शिकवणीने ए आर रहमान फारच प्रभावित झाले. पुढे त्यांनी इस्लाम धर्माचा स्वीकार केला. त्यांनी वयाच्या 23 व्या वर्षीच आपली आणि बहिणींसोबत इस्लाम धर्माचा स्वीकार केला.
